సూపర్ స్టార్ తో సూపర్ స్టార్ ...... వర్కౌట్ అవుతుందా .....??
తొలి సినిమా రాజకుమారుడుతో హీరోగా అడుగుపెట్టిన టాలీవుడ్ సూపర్ స్టార్ మహేష్ బాబు, దానితో పెద్ద హిట్ అందుకున్నారు. ఆ తరువాత నుండి వరుసగా సినిమాలు చేస్తూ ముందుకు సాగిన మహేష్, కెరీర్ లో ఎన్నో సక్సెస్ఫుల్ సినిమాల్లో నటించి తండ్రి కృష్ణకు తగ్గ తనయుడిగా నేటి తరం సూపర్ స్టార్ గా కోట్లాదిమంది అభిమానుల, ప్రేక్షకుల మనసులు గెలుచుకుని, ప్రస్తుతం టాలీవుడ్ టాప్ స్టార్స్ లో ఒకరిగా కొనసాగుతున్నారు. ద్విభాషా సినిమా స్పైడర్ తప్పించి, ఇప్పటివరకు వేరొక భాషలో ఒక్క సినిమా కూడా చేయని మహేష్ బాబుకు, బాలీవుడ్ సహా పలు ఇతర భాషల్లో కూడా ఎందరో అభిమానులు ఉన్నారు. ఇక బాలీవుడ్ లో అయితే చాలామంది హీరోయిన్స్, మహేష్ అంటే తమకు ఎంతో ఇష్టమని, ఆయనతో ఒక్క సినిమా ఛాన్స్ వస్తే చాలని చెప్పిన సందర్భాలు ఉన్నాయి.
ఇక తమిళ సూపర్ స్టార్ రజినికాంత్ గురించి మన తెలుగు వారికి ప్రత్యేకంగా పరిచయం అవసరం లేదు. అటు తమిళ్ లోనే కాక, యావత్ భారత దేశం సహా పలు ఇతర దేశాల్లో కూడా రజిని క్రేజ్, ఫాలోయింగ్ అత్యద్భుతం. ఒకానొక సందర్భంలో బాలీవుడ్ లెజెండరీ హీరో అమితాబ్ బచ్చన్ మాట్లాడుతూ, రజిని కి ఉన్న ఫ్యాన్ బేస్, క్రేజ్, మార్కెట్ ముందు మేమందరం తక్కువే అంటూ చెప్పిన సందర్భాలు కూడా ఉన్నాయి, అంతలా రజినీకాంత్ గొప్ప పేరు ప్రఖ్యాతలు గడించారు. ఇక అసలు మ్యాటర్ ఏంటంటే, మన టాలీవుడ్ సూపర్ స్టార్ తో తమిళ టాలీవుడ్ సూపర్ స్టార్ మహేష్ బాబు నటిస్తే ఎలా ఉంటుంది అనే చర్చ కొన్నాళ్లుగా పలు టాలీవుడ్ వర్గాల్లో జరుగుతోంది. అలానే, ఈ ఇద్దరు సూపర్ స్టార్ల ఫ్యాన్స్ కూడా వారిద్దరి కాంబో సినిమా కోసం ఎప్పటినుండో ఎదురుచూస్తున్నారు కూడా. వాస్తవానికి గతంలో సూపర్ స్టార్ కృష్ణతో కలిసి అన్నదమ్ముల సవాల్, రామ్ రాబర్ట్ రహీం, ఇద్దరూ అసాధ్యులే సినిమాల్లో నటించారు రజిని.
కృష్ణ ఎంతో ప్రొఫెషనల్ పర్సన్ అని, వృత్తిపట్ల ఆయన అంకిత భావానికి నిజంగా హ్యాట్సాఫ్ అంటూ ఒకానొక సందర్భంలో ఆయన గురించి రజిని మాట్లాడుతూ చెప్పారు. అలానే కొన్నేళ్ల క్రితం మహేష్ బాబు అతడు మూవీ రిలీజ్ తరువాత, ఆ సినిమాలోని మహేష్ బాబు యాక్షన్, ఫైట్ సీన్స్ తో పాటు బ్రహ్మానందం కామెడీ తనకు ఎంతో నచ్చిందని ఒక సందర్భంలో చెప్పిన రజిని, మహేష్ కు రాబోయే రోజుల్లో మరింత మంచి భవిష్యత్తు దక్కాలని కోరుకుంటున్నట్లు తెలిపారు. మరి, కొన్నాళ్లుగా టాలీవుడ్ వర్గాల్లో చర్చ జరుగుతున్న విధంగా, నిజంగానే ఈ ఇద్దరు బడా సూపర్ స్టార్స్ కలిసి నటిస్తారా, అది వర్కౌట్ అవుతుందా, అనేది ఖచ్చితంగా చెప్పలేనప్పటికీ, ఒకవేళ అదేకనుక జరిగితే, ఆ సినిమా బాక్సాఫీస్ సెన్సేషన్ గా నిలవడంతో పాటు, గత రికార్డ్స్ అన్నీ, దాని దెబ్బకు ఖతం అని అంటున్నారు ప్రేక్షకులు, వారి అభిమానులు ......!!