మేనల్లుడి సినిమాలో తళుక్కున మెరవనున్న సూపర్ స్టార్ .....??
టాలీవుడ్ నటుడు మహేష్ బాబు, గత మూడు నెలలుగా లాక్ డౌన్ కారణంగా షూటింగ్స్ నిలిపివేయబడడంతో, తన కుటుంబసభ్యులతో కలిసి ఈ సమయాన్ని సరదాగా గడుపుతున్నారు. పనిలో పనిగా అతి త్వరలో పట్టాలెక్కనున్న తన లేటెస్ట్ మూవీ సర్కారు వారి పాట మూవీ కోసం డిఫరెంట్ మేకోవర్ ట్రై చేస్తోన్న సూపర్ స్టార్, ఆ సినిమాతో ఫ్యాన్స్ ని థ్రిల్ చేయాలని చూస్తున్నారు. ఇటీవల వరుసగా మూడు సూపర్ హిట్స్ కొట్టి హ్యాట్రిక్ అందుకున్న సూపర్ స్టార్, పరశురామ్ పెట్ల దర్శకత్వంలో తెరకెక్కనున్న ఈ సినిమా తరువాత, వంశీ పైడిపల్లి, ఎస్. ఎస్. రాజమౌళి లతో పని చేయనున్నారు.
ఇక మహేష్ బాబు బావ, జ‌య‌దేవ్ గల్లా కుమారుడు అశోక్ గల్లా హీరోగా ప‌రిచ‌య‌మ‌వుతున్న విష‌యం తెలిసిందే. ఇస్మార్ట్ శంకర్ భామ నిధి అగ‌ర్వాల్ హీరోయిన్‌గా న‌టిస్తోన్న ఈ సినిమాకు యువ దర్శకుడు శ్రీ‌రామ్ ఆదిత్య దర్శకత్వం వహిస్తుండగా, అమ‌ర‌రాజా మీడియా అండ్ ఎంట‌ర్‌టైన్‌మెంట్ బ్యాన‌ర్‌పై ప‌ద్మావ‌తి గల్లా నిర్మాణంలో ఎంతో గ్రాండ్ లెవెల్లో ఈ సినిమా తెరకెక్కుతోంది. ఇటీవల సూపర్ స్టార్ కృష్ణ జన్మదినం సందర్భంగా ఈ సినిమాలోని జుంబారే జుజుంబరే రీమిక్స్ సాంగ్ ప్రోమోని రిలీజ్ చేసింది సినిమా యూనిట్. కాగా ఆ ప్రోమోకు ఘట్టమనేని ఫ్యాన్స్ తో పాటు, ప్రేక్షకుల నుండి కూడా మంచి స్పందన లభించింది.
ఈ సినిమాకు సంబంధించి ప్రస్తుతం టాలీవుడ్ వర్గాల్లో ఒక వార్త ప్రచారం అవుతోంది. ఈ సినిమాలోని ఒక సాంగ్ లో మేనల్లుడు అశోక్ తో కలిసి సూర్ స్టార్ మహేష్ కొద్ది క్షణాల పాటు తళుక్కున మెరవనున్నారట. ఈ సాంగ్ సినిమాలో ఎంతో అద్భుతంగా ఉంటుందని, అయితే మహేష్ కు సంబంధించిన ఆ పార్ట్ మాత్రం ఇంకా చిత్రీకరించాల్సి ఉందని సమాచారం. మరి ప్రస్తుతం విస్తృతంగా ప్రచారం అవుతున్న ఈ వార్తలో ఎంతవరకు నిజానిజాలు ఉన్నాయో తెలియదుగాని, ఒకవేళ నిజమైతే మాత్రం, ఒకవిధంగా అశోక్ గల్లా మూవీకి, మహేష్ సర్ప్రైజ్ ఎలిమెంట్ కొంతవరకు మంచి హెల్ప్ అవుతుందని అంటున్నారు సినీ విశ్లేషకులు.....!!