బిగ్ బాస్ అలి రెజాకు అదిరిపోయే ఛాన్స్..!
బిగ్ బాస్ సీజన్ 3లో క్రేజీ కంటెస్టంట్ గా నిలిచాడు ఆలి రెజా. అప్పటివరకు స్ట్రాంగ్ కంటెస్టంట్ గా ఉన్న అలి రెజా సడెన్ గా ఎలిమినేట్ అవడం ఆడియెన్స్ కు షాక్ ఇచ్చింది. ఆ తర్వాత మళ్ళీ అతన్ని హౌజ్ లోకి పంపించారనుకోండి. ఒకసారి బయటకు వచ్చి వెళ్ళాక అన్ని తెలుస్తాయి కాబట్టి కొద్దిగా వెనుకపడ్డాడు. ఫైనల్ గా సీజన్ 3 విన్నర్ గా రాహుల్ నిలవడంలో ఆలి రెజా గట్టి పోటీ ఇచ్చాడనడంలో సందేహం లేదు.
బిగ్ బాస్ తర్వాత కంటెస్టంట్స్ కు పెద్దగా అవకాశాలు రావన్న టాక్ ఉంది. కాని సీజన్ 3 కంటెస్టంట్స్ కు మంచి అవకాశాలే వస్తున్నాయి. ఇప్పటికే సీజన్ 3 విన్నర్ రాహుల్ కు మంచి పాత్రలు వస్తున్నాయి. కృష్ణవంశీ రంగమార్తాండ సినిమాలో రాహుల్ ఓ ఇంపార్టెంట్ రోల్ వేస్తున్నాడని తెలుస్తుంది. అతనే కాదు రంగమార్తాండ సినిమాలో అలి రెజా కూడా ఓ పాత్ర చేస్తున్నాడని తెలిసిందే.
రంగమార్తాండ మాత్రమే కాదు అలి రెజాకు మరో లక్కీ ఛాన్స్ కూడా వచ్చింది. పలాస 1978 సినిమాతో ఆకట్టుకున్న కరుణ కుమార్ డైరక్షన్ లో ఓ వెబ్ సీరీస్ తెరకెక్కుతుంది. మెట్రో స్టోరీస్ టైటిల్ తో వస్తున్న ఈ వెబ్ సీరీస్ లో అలి రెజా హీరోగా నటిస్తున్నాడని తెలుస్తుంది. పలాస హీరోయిన్ నక్షత్రనే వెబ్ సీరీస్ లో కూడా హీరోయిన్ గా ఫిక్స్ చేశారట. పలాస 1978 సినిమాతో ప్రతిభ చాటిన కరుణ కుమార్ ఈ వెబ్ సీరీస్ తో కూడా సత్తా చాటాలని చూస్తున్నాడు. ఆహా ఓటిటి నిర్మాణంలో తెరకెక్కే ఈ వెబ్ సీరీస్ లో రాజీవ్ కనకాల, రాహుల్, తిరు కూడా ఇందులో నటిస్తున్నారని తెలుస్తుంది.