పవన్ తో పనిచేయనున్న మహేష్ దర్శకడు .....??
సూపర్ స్టార్ మహేష్ బాబు హీరోగా మైత్రి మూవీ మేకర్స్ బ్యానర్ పై తెరకెక్కిన ఇండస్ట్రీ హిట్ మూవీ శ్రీమంతుడు. 2015లో ప్రేక్షకుల ముందుకు వచ్చిన ఈ సినిమాలో శృతి హాసన్ హీరోయిన్ గా నటించగా మహేష్ బాబు, హర్ష అనే ఒక ధనిక కుటుంబానికి చెందిన యువకుడిగా నటించారు. దర్శకుడిగా కొరటాల శివ కెరీర్ లో రెండవ సినిమాగా వచ్చిన శ్రీమంతుడు, ఆయనకు మరింత మంచి పేరు తెచ్చిపెట్టింది. అప్పటికే ప్రభాస్ తో మిర్చి మూవీ తీసి హిట్ కొట్టిన కొరటాల, మహేష్ తో తీసిన శ్రీమంతుడు అనంతరం, యంగ్ టైగర్ ఎన్టీఆర్ తో జనతా గ్యారేజ్ మూవీ తీసి దానితో కూడా మరొక సూపర్ హిట్ అందుకున్నారు.
ఇక ఇటీవల మరొక్కసారి సూపర్ స్టార్ మహేష్ తో ఆయన తీసిన పొలిటికల్ డ్రామా, కమర్షియల్ మూవీ భరత్ అనే నేను కూడా సూపర్ డూపర్ హిట్ కొట్టి, కొరటాలకు టాలీవుడ్ లో సక్సెస్ఫుల్ దర్శకుడిగా పేరు తెచ్చిపెట్టింది. ఇక ప్రస్తుతం మెగాస్టార్ చిరంజీవితో ఆచార్య మూవీ తీస్తున్న కొరటాల, దానిని కూడా ఎలాగైనా హిట్ చేయాలనే తలంపుతో ఎంతో బాగా కష్టపడుతున్నట్లు సమాచారం. ఇప్పటికే సగానికి పైగా షూటింగ్ జరుపుకున్న ఈ సినిమా, అతి త్వరలో తదుపరి షెడ్యూల్ ని జరుపుకోనుంది. ఇక ఈ సినిమా అనంతరం చరణ్ తో కొరటాల ఒక మూవీ ని చేయనున్నారు అంటూ ఇటీవల కొద్దిరోజలుగా వార్తలు ప్రచారం అవుతున్నప్పటికీ, దీనిపై ఇప్పటివరకు ఎటువంటి ప్రకటన రాలేదు రాలేదు.
అయితే తాజాగా పలు ఫిలిం నగర్ వర్గాల నుండి అందుతున్న సమాచారం ప్రకారం, కొరటాల శివ తన తదుపరి సినిమాని చరణ్ తో కాదు, పవన్ చేయనున్నారని అంటున్నారు. ఇప్పటికే ఆ సినిమాకు సంబంధించి కథ, కథనాలు పూర్తిగా సిద్దమయ్యాయని, పవన్ కళ్యాణ్ ఆలోచలనలకు దగ్గరగా ఉండే మంచి సోషల్ మెసేజ్ ఓరియెంటెడ్ స్టోరీని సిద్ధం చేసిన కొరటాల, అతి త్వరలో దానిని పవన్ కు వినిపించనున్నారని, రాబోయే మరికొద్దిరోజుల్లో ఈ సినిమాకు సంబంధించి పూర్తి వివరాలు వెల్లడికానున్నాయని చెప్తున్నారు. అయితే ప్రస్తుతం ప్రచారం అవుతున్న ఈ వార్త పై అధికారిక ప్రకటన మాత్రం వెలువడాల్సి ఉంది .....!!