తెలుగు రాష్ట్రాల్లో సినిమా హాళ్లు ఎప్పుడు తెరుచుకుంటాయంటే..?
మరోవైపు ఓటీటీ వేదికలపై కొత్త సినిమాలన్నీ క్యూ కడుతున్నాయి. ఒకటి రెండు సినిమాలు మినహా మిగతావారంతా.. అనివార్యంగా ఓటీటీవైపు వెళ్తున్నారు. థియేటర్లు తెరిచేందుకు కేంద్రం అనుమతిచ్చినా కూడా ఓటీటీలవైపే మొగ్గు చూపుతున్నారంటే పరిస్థితి అర్థం చేసుకోవచ్చు. ఈ నేపథ్యంలో సంక్రాంతి విడుదల అంటూ చాలా సినిమాలకు ప్రచారం జరుగుతోంది. డిసెంబర్ విడుదల అని ఏ సినిమా కూడా ముందుగా వచ్చే ప్రయత్నం చేయడంలేదు.
అంటే ఒకరకంగా ఈ ఏడాది థియేటర్స్ లోకి వచ్చేందుకు ఏ సినిమా హీరో కూడా ధైర్యం చేయడంలేదు, ఏ నిర్మాత కూడా సాహసం చేయడంలేదు. సంక్రాంతి టైమ్ కి థియేటర్స్ జనంతో కళకళ లాడే అవకాశం ఉన్నట్టు స్పష్టమవుతోంది. అందుకే సినిమాల ప్రమోషన్ అంతా సంక్రాంతి విడుదల అంటూ పెద్ద పండగ చుట్టూనే తిరిగుతోంది. సంక్రాంతి వరకు తెలుగు రాష్ట్రాల్లో సినిమా హాళ్లు తెరిచే ప్రసక్తే లేదని తేలిపోయింది.