సౌందర్య కు రీప్లేస్మెంట్ ఎవరు .... బాలయ్య అంత రిస్క్ చేస్తారా ... ??
ఇక అప్పటినుండి ఇప్పటివరకు ఆ సినిమాని అలాగే ఆపేసారు బాలకృష్ణ. అయితే ఇటీవల ఎట్టకేలకు దసరా పండుగ కానుకగా అప్పట్లో ఆ సినిమాకు సంబంధించి చిత్రీకరించిన టువంటి 17 నిమిషాల నిడివిగల ఫుటేజ్ ని ప్రత్యేకంగా ప్రముఖ ఓటిటి మాధ్యమం శ్రేయాస్ మీడియా ద్వారా ప్రేక్షకుల ముందుకు తీసుకు వచ్చారు బాలకృష్ణ. కాగా ప్రస్తుతం ఆ సినిమా మంచి ఆదరణతో కొనసాగుతోంది. అయితే ఇటీవల ఒక ఇంటర్వ్యూలో భాగంగా బాలకృష్ణ మాట్లాడుతూ కొద్ది రోజుల క్రితం మేము రిలీజ్ చేసిన నర్తనశాల సినిమా కు ప్రేక్షకాభిమానుల నుండి మంచి రెస్పాన్స్ వస్తుందని, అన్ని అనుకున్నట్లు జరిగితే అది త్వరలో ఈ సినిమాని పూర్తి స్థాయిలో ప్రారంభించి తెరకెక్కించేందుకు సన్నాహాలు చేసే అవకాశాలు కూడా లేకపోలేదని అన్నారు బాలకృష్ణ.
అయితే ఆయన చెబుతున్న ప్రకారం ప్రస్తుతం ఆ సినిమాలోని ఇతర పాత్రలకు వేరే ఎవరైనా నటుల్ని తీసుకోవచ్చు కానీ ముఖ్యమైన ద్రౌపది పాత్రకు సౌందర్య స్థానంలో రీప్లేస్మెంట్ గా ఎవరున్నారు అనేటువంటి వాదనను తెరమీదకు తీసుకు వస్తున్నారు కొందరు. అయితే ఇప్పట్లో అనుష్క, కీర్తి సురేష్ వంటి దిగ్గజ నటీమణులు ఉన్నప్పటికీ కూడా అటువంటి వారిని బాలయ్య ద్రౌపదిగా తీసుకుంటారా లేక మరెవరైనా నటిని ఎంపిక చేసుకుంటారా అనేటువంటి పూర్తి విషయాలకు సంబంధించిన సమాచారం బయటకు రావాలి అంటే మరికొద్ది రోజుల వరకు వెయిట్ చేయక తప్పదు అని అంటున్నారు విశ్లేషకులు....!!