‘ఫైటర్’ మూవీపై బాలీవుడ్ హీరోయిన్ స్పందన ఇదీ!
`నా తర్వాతి ప్రాజెక్టుల విషయంలో చాలా సంతృప్తిగా ఉన్నా. విజయ్ దేవరకొండ - పూరీ జగన్నాథ్ కాంబినేషన్లో వస్తున్న `ఫైటర్` షూటింగ్ జరుగుతోంది. ఇది ఓ కొత్త ప్రపంచంలా ఉంది. ఆ సినిమా సెట్లో ఎన్నో కొత్త విషయాలు నేర్చుకున్నా, నేర్చుకుంటున్నా. ఈ ప్రాజెక్టులో భాగం అయినందుకు చాలా సంతోషంగా ఉంది` అని అనన్య పేర్కొంది. చాలా కాలంగా హిట్ కోసం ఎదురు చూస్తున్న పూరికి రామ్తో చేసిన ‘ఇస్మార్ట్ శంకర్’ మంచి బ్రేక్ ఇచ్చింది. ఈ సినిమాను హిందీలో రీమేక్ చేసే ప్రయత్నాలు కూడా జరుగుతున్నాయి. దీనిలో బాలీవుడ్ ఎనర్జిటిక్ స్టార్ రణ్ వీర్ సింగ్ నటిస్తాడని టాక్ వినిపిస్తోంది.
ప్రస్తుతం ‘ఫైటర్’తో బిజీగా ఉన్న రౌడీ హీరో విజయ్ కూడా హిట్ కోసం వెయిట్ చేస్తున్నాడు. అర్జున్ రెడ్డి సినిమాతో ఇండస్ట్రీ ట్రెండ్ సెట్టర్గా నిలిచిన విజయ్.. ఆ తర్వాత ‘గీత గోవిందం’తో కుటుంబ ప్రేక్షకులను కూడా ఆకట్టుకున్నాడు. అయితే ఆ తర్వాత వచ్చిన ఏ సినిమా కూడా విజయ్ రేంజ్ హిట్ అందుకోలేదు. దీంతో విజయ్ కూడా ‘ఫైటర్’పై ఎన్నో ఆశలు పెట్టుకున్నాడని సినీ వర్గాలు అంటున్నాయి.