ఆకట్టుకుంటున్న మాస్టర్ తెలుగు టీజర్....
ఇండియా హేరాల్డ్ అందిస్తున్న ఈ ఆర్టికల్ చదవండి.. కోలీవుడ్ స్టార్ హీరో తళపతి విజయ్ కి ఎంత క్రేజ్ వుందో ప్రత్యేకంగా చెప్పాల్సిన పని లేదు.. సౌత్ ఇండియా లో ఎక్కువ ఫ్యాన్ ఫాలోయింగ్ వున్న హీరోలలో తలపతి విజయ్ ఒకడు.ఇక ఈమధ్య వరుసగా బ్లాక్ బస్టర్ సినిమాలు చేస్తూ దూసుకెళుతున్నాడు. ఇక తలపతి విజయ్ నటించిన తాజా చిత్రం ‘మాస్టర్’. ‘ఖైదీ’ సినిమాతో బ్లాక్ బస్టర్ హిట్ అందుకున్న లోకేష్ కనకరాజ్ ఈ చిత్రానికి దర్శకత్వం వహించారు. మాళవిక మోహనన్ హీరోయిన్గా నటించారు. అనిరుధ్ రవిచందర్ సంగీతం సమకూర్చారు. ఆండ్రియా, శాంతను భాగ్యరాజ్, అర్జున్ దాస్ ఇతర ముఖ్య పాత్రలు పోషించారు. మక్కల్ సెల్వన్ విజయ్ సేతుపతి విలన్గా నటించారు.ఎక్స్బీ ఫిల్మ్ క్రియేటర్స్ బ్యానర్పై జేవియర్ బ్రుట్టో ‘మాస్టర్’ చిత్రాన్ని నిర్మించారు.
లలిత్ కుమార్, జగదీష్ పళనిసామి సహ నిర్మాతలు. ఈ సినిమా తమిళ టీజర్ను దీపావళి సందర్భంగా విడుదల చేశారు. ఈ టీజర్ సెన్సేషన్ క్రియేట్ చేసింది. ఈ సినిమాను తెలుగులో ఈస్ట్ కోస్ట్ ప్రొడక్షన్స్ అధినేత మహేష్ ఎస్. కోనేరు విడుదల చేస్తున్నారు. ‘మాస్టర్’ తెలుగు టీజర్ను గురువారం సాయంత్రం విడుదల చేశారు.తెలుగులో కూడా ‘మాస్టర్’ టీజర్ అదిరిపోయింది. కమర్షియల్ సినిమాలు చూసే ఆడియన్స్కు కావాల్సిన అంశాలన్నీ ఈ సినిమాలో ఉన్నట్టు టీజర్ చూస్తే అర్థమవుతోంది. ముఖ్యంగా తెలుగు అనువాదం బాగుంది. రాజేష్ ఎ మూర్తి తెలుగు డైలాగులు రాశారు. ఈయన ‘తాగుబోతు’ అనే మాట చెప్పడానికి ‘మందిస్ట్’ అనే కొత్త మాటను వాడారు.
‘‘లైట్ తీసుకో అన్న.. ఆడో మందిస్ట్’’ అని విలన్ పక్కన ఉండే వ్యక్తి చెబుతాడు. ఇక విలన్ విజయ్ సేతుపతికి తెలంగాణ యాస పెట్టారు. మొత్తం మీద టీజర్ అయితే ప్రేక్షకులను ఆకట్టుకుంటూ చాలా ఆసక్తికరంగా ఉంది.ఇక ఈ సినిమా ఎన్ని రికార్డులు బద్దలు కొడుతుందో చూడాలి. ఇక ఇలాంటి మరెన్నో మూవీ అప్ డేట్స్ కోసం ఇండియా హెరాల్డ్ గ్రూప్ ని ఫాలో అవ్వండి. ఇంకా మరెన్నో విషయాలు గురించి తెలుసుకోండి...