పోర్న్ స్టార్ పాత్రలో నటించనున్న నటి ఎస్తేర్..!?
ఇక సొసైటీ కళ్ళప్పగించి చూసే కళా రంగం వెనక గుండె పగిలే గాయం ఉంది. మనం చూసే ప్రతి అద్బుతం వెనుక మరో నిజం ఒకటి దాగి ఉంది.” అంటున్నారు దర్శకుడు తిరుపతి ఎస్ఆర్. ‘ఉత్తర’ సినిమాతో ప్రేక్షకులను మెప్పించిన ఈ దర్శకుడు. తన రెండో ప్రయత్నంగా ”హీరోయిన్” అనే సినిమాను రూపొందించబోతున్నారు. సినిమా రంగంలోని మంచి చెడులను ఆవిష్కరించేలా హీరోయిన్ అనే సినిమా రూపొందనుంది. ఈ సినిమాలో ఎస్తర్ పోర్న్ స్టార్గా నటించనుందట. కథాంశానికి అనుగుణంగా కొన్ని సన్నివేశాల్లో ఎస్తర్ బోల్డ్గా కూడా నటిస్తుందని దర్శకుడు తిరుపతి తెలిపారు.
తెలుగులో పలు సినిమాల్లో నటించిన ఎస్తేర్ ప్రధాన పాత్రలో వస్తున్న ఈ సినిమాలో పోర్న్ స్టార్ పాత్రలో నటిస్తోంది. కథానుసారం ఈ చిత్రంలోని కొన్ని సన్నివేశాల్లో ఎస్తేర్ బోల్డ్ గా కనిపించనుంది. ఈ చిత్రాన్ని లివ్ ఇన్ సి క్రియేషన్స్ సంస్థ తెలుగు, తమిళం, కన్నడ భాషల్లో నిర్మిస్తోంది. త్వరలో షూటింగ్ ప్రారంభించుకోనుంది ”హీరోయిన్” మూవీ. ఈ సినిమా వివరాలను దర్శకుడు తిరుపతి ఎస్ఆర్ తెలియజేశారు. దర్శకుడు తిరుపతి ఎస్ఆర్ మాట్లాడుతూ…”ఎరోటిక్ క్రైమ్ థ్రిల్లర్ మూవీగా హీరోయిన్ ను తెరకెక్కిస్తున్నాం. టైటిల్ రోల్ లో ఎస్తేర్ క్యారెక్టర్ సాగుతుంది. ఆమె కొన్ని సీన్స్ లో బోల్డ్ గా కనిపిస్తుంది. షూటింగ్ సన్నాహాల్లో ఉన్నాం, త్వరలో సినిమాలోని ఇతర నటీనటులు, సాంకేతిక నిపుణుల పేర్లు వెల్లడిస్తాం” అన్నారు.