ఉప్పెన హీరోయిన్ వయసు ఎంతో తెలుసా..అప్పుడే దిగిందా..?

P.Nishanth Kumar
మెగా మేనల్లుడు వైష్ణవ్ తేజ్ నటించిన ఉప్పెన సినిమా ఇటీవలే ప్రేక్షకుల ముందు వచ్చి మంచి మార్కులు కొట్టేసింది.. కరోనా తర్వాత వచ్చిన సినిమాల్లో ఉప్పెన మంచి కలెక్షన్లను రాబడుతుంది. తొలి రోజు మంచి వసూళ్లను సాధించిన ఉప్పెన రెండో రోజు కూడా అదే రికార్డు స్థాయి వసూళ్లను కొనసాగించింది.. ఓవరాల్ గా వైష్ణవ్ నటించిన ఈ సినిమా సూపర్ హిట్ తో పాటు మంచి వసూళ్లను కూడా దక్కించుకుంది.. డెబ్యూ సినిమా నే ఈ రేంజ్ లో ఉండడంతో వైష్ణవ్ తేజ్ మంచి సినిమా తోనే డెబ్యూ చేశాడని అందరు చెప్పుకుంటున్నారు..

ఇక ఈ సినిమా తో హీరోయిన్ కృతి శెట్టి కూడా టాలీవుడ్ కి పరిచయమయ్యింది. ఈ సినిమా హిట్ లో వైష్ణవ్ తరువాత మంచి పాత్ర పోషించింది కృతి.. అందం అభినయం తో పాటు లుక్స్ కూడా బాగా ఉండడంతో ఆమెను ప్రేక్షకులు రిసీవ్ చేసుకున్నారు. ఈమెను స్టార్ హీరోయిన్ చేయడానికి టాలీవుడ్ కూడా ప్రయత్నిస్తుంది.. తమ సినిమాల్లో పెట్టుకోవడానికి లైన్ లో నిల్చుంటారు.. ఉప్పెన రిలీజ్ అయితే అమ్మాయి డేట్స్ దొరకవు అంటూ చిరంజీవి ప్రీ రిలీజ్ వేడుకలో చెప్పిన మాటలు అక్షరాలా నిజం అవుతున్నాయి. నిజంగానే ఈ భామ డేట్స్ ఇప్పుడు బంగారం అయిపోతున్నాయి.

అంతేకాదు రెండో సినిమాకే దాదాపు 75 లక్షల వరకు డిమాండ్ చేస్తున్నట్లు ప్రచారం జరుగుతుంది. ఇదిలా ఉంటే ఇంత సంచలనాలు రేపుతున్న కృతి శెట్టి వయసు గురించి ఇప్పుడు సోషల్ మీడియాలో వార్తలు వస్తున్నాయి. ఈ భామకు ఎంత వయసు ఉంటుంది.. చూడ్డానికి మరీ చిన్న పిల్లలా ఉంది కదా అంటూ ఆసక్తి మొదలైంది. నిజంగానే కృతి చిన్న పిల్లే. ఈమె వయసు కేవలం 17 ఏళ్లు మాత్రమే. 2003లో జన్మించింది కృతి శెట్టి. ప్లస్ టూ చదువుతున్న ఈ భామకు సినిమా అవకాశాలు మొదలయ్యాయి. ఉప్పెన సినిమాలో నటించే కంటే ముందే ఈమె యాడ్స్‌లోనూ నటించింది. వాటికి సంబంధించిన వీడియోలు వైరల్ అయ్యాయి.
మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

krithi shetty chiranjeevi abinaya bhama tollywood girl

సంబంధిత వార్తలు: