అల్లు అర్జున్ తో కెజిఎఫ్ డైరెక్టర్ .... ఏంటి, నిజమేనా ....??
స్టైలిష్ స్టార్ అల్లు అర్జున్ గత ఏడాది అలవైకుంఠపురములో మూవీ ద్వారా ప్రేక్షకుల ముందుకు వచ్చిన విషయం తెలిసిందే. త్రివిక్రమ్ శ్రీనివాస్ దర్శకత్వంలో హారికా హాసిని క్రియేషన్స్, గీతా ఆర్ట్స్ బ్యానర్స్ పై ఎంతో భారీ ఖర్చుతో నిర్మితం అయిన సినిమా భారీ సక్సెస్ అందుకుంది. అంతకముందు అల్లు అర్జున్, త్రివిక్రమ్ ల కలయికలో తెరకెక్కిన జులాయి, సన్ ఆఫ్ సత్యమూర్తి సినిమాలు రెండూ కూడా మంచి సక్సెస్ అందుకోవడంతో మూడవ సినిమాగా తెరకెక్కిన అలవైకుంఠపురములో మూవీపై అందరిలో మంచి అంచనాలు ఏర్పడ్డాయి.
అయితే అందరి అంచనాలు మించేలా తెరకెక్కి సూపర్ డూపర్ హిట్ కొట్టిన ఈ సినిమాతో అల్లు అర్జున్ కెరీర్ పరంగా అతి పెద్ద బ్లాక్ బస్టర్ సక్సెస్ అందుకున్నారు. ఇక దాని తరువాత ప్రస్తుతం అల్లు అర్జున్ నటిస్తున్న సినిమా పుష్ప. సుకుమార్ తీస్తున్న ఈ మూవీని మైత్రి మూవీ మేకర్స్ వారు ఎంతో భారీ ఖర్చుతో పాన్ ఇండియా మూవీ గా నిర్మిస్తున్నారు. రష్మిక మందున్న హీరోయిన్ గా నటిస్తున్న ఈ సినిమాకి రాక్ స్టార్ దేవిశ్రీప్రసాద్ సంగీతం అందిస్తున్నారు. ప్రస్తుతం వేగవంతంగా షూట్ జరుపుకుంటున్న ఈ సినిమా ఈ ఏడాది స్వాతంత్రోద్యమ దినోత్సవ కానుకగా ఆగష్టు 13న రిలీజ్ చేయనున్నారు.
అయితే దీని తరువాత కొరటాల శివ దర్శకత్వంలో బన్నీ మరొక సినిమా చేయనున్నారు. ఇటీవల దీని అనౌన్స్ మెంట్ వచ్చింది. ఇక లేటెస్ట్ గా కొన్ని ఫిలిం నగర్ వర్గాల నుండి మా ఏపీ హెరాల్డ్ సంస్థకు అందుతున్న సమాచారాన్ని బట్టి ఈ మూవీ తరువాత కెజిఎఫ్ సినిమాల దర్శకడు ప్రశాంత్ నీల్ తో అల్లు అర్జున్ ఒక భారీ కమర్షియల్ మూవీ చేయనున్నారని, రెండు రోజుల క్రితం హైదరాబాద్ వచ్చి అల్లు అర్జున్ ని ప్రత్యేకంగా కలిసిన ప్రశాంత్ ఒక అద్బుతమైన స్టోరీ ని ఆయనకు వినిపించి ఆమోదం అందుకున్నారని, ప్రస్తుతం ప్రభాస్ తో సలార్ తీస్తున్న ప్రశాంత్, అది పూర్తి అయిన వెంటనే అల్లు అర్జున్ మూవీని పట్టాలెక్కించనున్నారని, త్వరలో దీనికి సంబంధించి అధికారిక న్యూస్ రానుందని టాక్. మరి ఇదే కనుక నిజం అయితే స్టైలిష్ స్టార్ ఫ్యాన్స్ కి ఇది సూపర్ న్యూస్ అని చెప్పాలి....!!