కేజీఎఫ్ డైరెక్టర్ ప్రశాంత్ పుట్టినరోజు సందర్భంగా వీడియో వైరల్..
సినిమా ఇండస్ట్రీలో ఓవర్ నైట్ లోనే స్టార్స్ అయిన హీరోలు, హీరోయిన్లు ఉన్నారు. అలాగే ఏదైనా సినిమా బ్లాక్ బాస్టర్ హిట్ అయితే ఆ డైరెక్టర్ కోసం వేచి వుండే హీరోలు కూడా ఉన్నారు. అలాంటి వరసలో ముందున్న డైరెక్టర్ ఎవరంటే "ప్రశాంత్ " ( కేజిఎఫ్ డైరెక్టర్) అని చెప్పవచ్చు.
అయితే సరైన బ్లాక్ బాస్టర్ హిట్ పడితే.. టెక్నీషియన్లు, ఆర్టిస్టుల కెరీర్ లు మారిపోతాయి అనడానికి కే జి ఎఫ్, బాహుబలి లాంటి సినిమాలను ఉదాహరణగా తీసుకోవచ్చు. అందులో రాజమౌళి దాదాపుగా ఎక్కువ సినిమాలు తీశాడు అని చెప్పవచ్చు. కానీ కేజిఎఫ్ డైరెక్టర్ మాత్రం కేవలం ఒకే ఒక్క సినిమా "ఉగ్రం " అనే కన్నడ సినిమాతో ఎంట్రీ చేశాడు.
ఉగ్రం సినిమా బాగున్నప్పటికీ.. తన ప్రతిభను మాత్రం బయటపెట్టిన రెండవ సినిమా కేజీఎఫ్ అని చెప్పవచ్చు. ఈ సినిమా ఇతనిని ఏకంగా పాన్ ఇండియన్ స్టార్ డైరెక్టర్ గా చేసింది. ఈ సినిమా చూసిన పలు భాషల వాళ్ళు కూడా ఆశ్చర్యపోయారు. తెలుగు ప్రజలే కాకుండా, హీరోలు, నిర్మాతలు ప్రశాంత్ డైరెక్టర్ ని మెచ్చుకున్నారు. ఇప్పటికే పలు ( ఎన్టీఆర్,ప్రభాస్) స్టార్ హీరోలు అతడి డైరెక్షన్ లో నటించడానికి ఓకే చెప్పారు.
ఇంత పేరు సంపాదించిన కేజీఎఫ్ డైరెక్టర్ ప్రశాంత్ పుట్టిన రోజు నేడు. సలార్ చిత్రం నిర్మిస్తున్న హోంబేలే ఫిలిమ్స్ ఒక ట్రిబ్యూట్ వీడియోను రూపొందించింది. ఆ వీడియోలో ప్రశాంత్ తన టీంతో కలిసి ఎంత ఉత్సాహంగా పని చేస్తున్నాడో చూపించే వీడియో ఇది. ఈ వీడియోకి కేజిఎఫ్ హీరో యష్ చేసిన వ్యాఖ్యలు సైతం దీనికి జోడించారు. ప్రశాంత్ ప్రతిభ విషయంలో కేజిఎఫ్ ఆరంభం మాత్రమే అని.. అతడి నుంచి చాలా అద్భుతాలు చూడబోతారని హీరో యష్ వ్యాఖ్యానించాడు. ఇప్పుడు ఈ వీడియో వైరల్ అవుతోంది. కేవలం తన రెండవ సినిమాతోనే ఏకంగా పాన్ ఇండియా లెవెల్ కి ఎదిగిన ప్రశాంత్ గురించి ఎంత చెప్పుకున్నా తక్కువే.. అంతలా తన దర్శకత్వం తో అందరినీ మెప్పించారు. ఇక స్టార్ హీరో యష్ సినీ కెరీర్ నే మార్చేశాడు అని చెప్పడంలో ఎలాంటి సందేహం లేదు.