రామ్ చరణ్ సినిమాలో సీనియర్ హీరోకి చోటు ?
ఒకప్పుడు హీరోగా, కమెడియన్ గా, క్యారెక్టర్ ఆర్టిస్ట్ గా తెలుగు ఇండస్ట్రీలో ఒక వెలుగు వెలిగిన హీరో తొట్టెంపూడి వేణు ప్రస్తుతం సినిమాల్లోకి రీ ఎంట్రీ ఇవ్వడానికి చక్కటి అవకాశం కోసం ఎదురు చూస్తున్నాను అంటూ ఈ మధ్యే ఓ ఇంటర్వ్యూలో తెలిపారు. ఆ తర్వాత వెంకటేష్ నారప్ప సినిమాలో గుర్తించదగ్గ రోల్ లో అవకాశం ఇచ్చినట్లు తెలుస్తోంది. అయితే తాజా సమాచారం ప్రకారం రామ్ చరణ్ నటించబోయే తదుపరి చిత్రంలో హీరోయిన్ కి అన్నయ్య పాత్రలో వేణు ని సెలెక్ట్ చేసినట్లు తెలుస్తోంది. ప్రస్తుతం ప్రముఖ దర్శకుడు రాజమౌళి దర్శకత్వం లో ఆర్ ఆర్ ఆర్ చిత్రంతో బిజీగా ఉన్న చెర్రీ, ఆ తర్వాత కేజీఫ్ సినిమాతో సంచలనం సృష్టించిన ప్రశాంత్ నీల్ తో సినిమా చేయనున్నట్లు ఇప్పటికే ప్రకటించారు. అయితే ఇదే చిత్రంలో వేణుకి అవకాశం ఇవ్వనున్నట్లు సినీ వర్గాల సమాచారం. అయితే దీనిపై పూర్తి క్లారిటీ రావాల్సి ఉంది.
అలా సినీ ప్రయాణంలో సక్సెస్ మార్గంలో ఉండగానే పలు కారణాల వల్ల కాస్త గ్యాప్ ఇచ్చారు. కానీ ఆ తర్వాత అవకాశం దొరకడం చాలా కష్టం అయింది. చాలా కాలం తర్వాత దమ్ము, రామాచారి వంటి సినిమాల్లో నటించినా ఆశించిన ఫలితం దక్కలేదు. దాంతో సినిమాలకు పూర్తిగా ప్యాకప్ చెప్పి వ్యాపార వేత్తగా మారిన హీరో వేణు తాజాగా ఓ ఇంటర్వ్యూలో మాట్లాడుతూ సినిమాలో మళ్లీ అవకాశం దొరకాలే కానీ, రీ ఎంట్రీ ఇచ్చేందుకు రెడీ గా ఉన్నాను అంటూ చెప్పుకొచ్చారు. అయితే వస్తున్న రూమర్స్ ప్రకారం రామ్ చరణ్ సినిమాలో నటించే అవకాశం వస్తే మళ్లీ కెరీర్ లో పుంజుకునే అవకాశం ఉంది. ఏమి జరగనుందో చూడాలి.