మెగాస్టార్ మాస్టర్ పీస్ సినిమా పున్నమినాగుకి 41 ఏళ్ళు...
ఇక పున్నమినాగులో మెగాస్టార్ చిరంజీవి పోషించిన నాగులు పాత్ర ఒకరకంగా సవాల్తో కూడుకున్న పాత్రనే చెప్పాలి. అప్పుడే ఫిల్మ్ ఇనిస్టిట్యూట్ నుంచి బయటకు వచ్చిన చిరంజీవికి చిత్ర పరిశ్రమలో పెద్దగా అనుభవం లేదు. ఇక ఈ సినిమాలో పాము లక్షణాలున్న వ్యక్తిగా చిరంజీవి డిఫరెంట్ షేడ్స్ చూపించాలి. ఒక విలక్షణమైన నటుడిగా తనని తాను సిద్ధం చేసుకుని నాగులు పాత్రలో ఒదిగిపోయి నటించారు మెగాస్టార్.అలాగే సంభాషణలు పలికే తీరు, డ్యాన్స్లతో యువతను విశేషంగా ఆకట్టుకున్నాడు మెగాస్టార్ చిరంజీవి.అలాగే ఈ సినిమా క్లైమాక్స్లో చిరు పాము లక్షణాలున్న మనిషి అని తెలిసిన తర్వాత హీరో నరసింహరాజు అతడిని పారిపోమ్మంటాడు. ఆ సన్నివేశంలో ‘ఎక్కడికి పోవాలి.పోతే పుట్టలోకే పోవాలి’ అంటూ మెగాస్టార్ చిరంజీవి చెప్పిన ఆ డైలాగ్ ప్రేక్షకుల్ని కంటతడి పెట్టిస్తుంది.ఇక ప్రేక్షకులను కట్టిపడేసిన ఈ సినిమా మెగాస్టార్ చిరంజీవి కెరీర్ లో మరచిపోలేని సినిమాగా ఒక మాస్టర్ పీస్ చిత్రంగా నిలిచిపోతుందనడంలో ఎలాంటి సందేహం లేదు.