పూరి జగన్నాధ్ మూవీలో ఛాన్స్ కొట్టేసిన యువ హీరో...
హ్యాపీ డేస్ చిత్రంతో ఫిల్మ్ ఇండస్ట్రీలోకి ఎంట్రీ ఇచ్చిన నిఖిల్ సిద్ధార్థ్ ఇక అప్పటి నుండి వెనుతిరిగి చూసింది లేదు. టాలెంట్ ఉన్న యంగ్ హీరోగా డిఫరెంట్ జోనర్ లో చిత్రాలు ఎంచుకుంటూ తెలుగు చలనచిత్ర చరిత్రలో తనకంటూ ఓ బ్రాండ్ ను క్రియేట్ చేసుకున్నాడు. అయితే ప్రముఖ స్టార్ డైరెక్టర్ చిత్రంలో ఒక కీలక పాత్ర చేయనున్నట్లు తెలుస్తోంది. తెలుగు ఇండస్ట్రీలో తన దైన టేకింగ్ తో అని వర్గాల ప్రేక్షకులను విశేషంగా ఆకట్టుకుంటున్న మాస్ డైరెక్టర్ పూరి జగన్నాధ్ తరువాత సినిమాలో నిఖిల్ కనిపించబోతున్నాడు అంటూ వార్తలు వినిపిస్తున్నాయి. అది కూడా అలా వచ్చి ఇలా వెళ్ళిపోయే పాత్ర కాదట, దాదాపు అర గంటకు పైనే నిఖిల్ ఈ సినిమాలో కనిపించనున్నారని, ఆ పాత్ర సినిమాకి చాలా కీలకం అని తెలుస్తోంది. పూరి జగన్నాధ్ నిఖిల్ పాత్రను సరికొత్తగా మలచనున్నారట.