ఎప్పుడు లేనిది చిరు ఇంత అయోమయం లో ఉన్నాడేంటి?
మెగాస్టార్ చిరంజీవి తన కొత్త సినిమా ఆచార్య విషయంలో కొంత అయోమయం లో ఉన్నట్లు తెలుస్తోంది. కరోనా లేకపోతే మే నెలలో సినిమాను అనుకున్న విధంగా విడుదల చేసేవారు. కానీ ఈ మహమ్మారి ఒక్కసారిగా చిరంజీవి చేసిన ఆలోచన తారుమారు చేసింది. మే నెలలో కరోనా కేసులు ఎక్కువగా వస్తుండడంతో లాక్ డౌన్ ప్రకటించింది ప్రభుత్వం. దాంతో ఈ సినిమాను పోస్ట్ ఫోన్ చేయక తప్పలేదు. ఇక ప్రస్తుతం కరోనా కేసులు తగ్గుముఖం పడుతుండటంతో అన్ని కార్యకలాపాలు యధావిధిగా తెరుచుకున్నాయి. త్వరలోనే సినిమా థియేటర్లు పూర్తి స్థాయిలో నడుస్తాయి.
ఈ నేపథ్యంలో ఆచార్య సినిమా ఎప్పుడు విడుదల చేయాలని డైలమాలో ఉన్నట్లు తెలుస్తోంది. చిరు రీ ఎంట్రీ లో వరస సినిమాలు చేసుకుంటూ పోతున్న విషయం తెలిసిందే. ఖైదీ నెంబర్ 150, సైరా సినిమాలతో హిట్ జోష్ లో ఉన్న చిరంజీవి ఆ ఊపులోనే కొరటాల శివ దర్శకత్వంలో ఆచార్య అనే సినిమాను మొదలు పెట్టాడు.కాజల్ అగర్వాల్ హీరోయిన్ గా నటిస్తున్న ఈ సినిమాలో రామ్ చరణ్ కీలక పాత్రలో నటిస్తుండగా పూజాహెగ్డే ఆయన కు జోడీగా నటిస్తోంది. మెసేజ్ అండ్ కమర్షియల్ సినిమా గా తెరకెక్కిన ఈ సినిమా ప్రేక్షకుల అంచనాలను భారీగా అందుకుంది.
అయితే ప్రస్తుత పరిస్థితుల మేరకు ఈ సినిమాను ఆగస్టులో విడుదల చేయడానికి చిరంజీవి సన్నాహాలు చేశాడు. ఈ నేపథ్యంలో లో ఆ నెలలోనే ఇతర పెద్ద సినిమాలు కూడా రావడంతో తన సినిమాకి ఎక్కడ కలెక్షన్లు తగ్గుతాయో అన్న అనుమానం లో చిరంజీవి పడ్డారట. సోలోగా వచ్చిన పెద్ద సినిమాలు భారీగా కలెక్షన్లు సాధిస్తాయనే ఫార్ములా నమ్ముతున్న ఈ రోజుల్లో ఏ సినిమాకి పోటీ లేకుండా సోలోగా రావడానికి చిరంజీవి ఎప్పుడూ ఆచార్యకు మంచి ముహూర్తం ఫిక్స్ చేస్తారో చూడాలి. ఈ సినిమా తర్వాత చిరంజీవి 2 రీమేక్ సినిమాలను, ఒక తెలుగు స్ట్రెయిట్ సినిమాను లైన్ లో పెట్టారు.