సీనియర్ నిర్మాత చేతిలో టాలీవుడ్
ఇక ఆ తరువాత టాలీవుడ్ కింగ్ నాగార్జున, ప్రవీణ్ సత్తారు కాంబినేషన్ లో రూపొందుతున్న యాక్షన్ ను థ్రిల్లర్ ను నిర్మిస్తున్నారు. శరత్ మరార్ తో కలిసి "లక్ష్య"ను కూడా రూపొందిస్తున్నారు. ఇందులో యంగ్ హీరో నాగశౌర్య ఆర్చర్ గా కనిపించబోతున్నాడు. మరోవైపు యంగ్ హీరో సుధీర్ బాబు హీరోగా కమెడియన్ హర్షవర్ధన్ దర్శకత్వం వహించనున్న ప్రాజెక్ట్ కూడా ఈయన చేతుల్లోనే ఉంది. ఈ సినిమాను ఇటీవలే ప్రకటించారు. అంతేకాదు పాన్ చిత్రాలపైనా నారంగ్ దృష్టి పెట్టారు. కోలీవుడ్ స్టార్ ధనుష్, సెన్సిబుల్ డైరెక్టర్ శేఖర్ కమ్ముల దర్శకత్వంలో రానున్న మల్టీలింగ్వల్ మూవీ, అలాగే అడవిశేష్ "మేజర్", శర్వానంద్ తో ఒక మూవీ, శివకార్తికేయన్ టాలీవుడ్ ఎంట్రీ మూవీలతో పాటు పలు చిత్రాలను నిర్మాతగా టాలీవుడ్ కు అందించబోతున్నారు. ఆయన నిర్మాత మాత్రమే కాదు నెంబర్ వన్ డిస్ట్రిబ్యూటర్ కూడా. ఏఎంబి మల్టిప్లెక్స్ నిర్వహణతో పాటు తెలంగాణలోని చాలా థియేటర్లు ఆయన చేతిలోనే ఉన్నాయి. మరోవైపు ఆయన తెలుగు ఫిలిం ఛాంబర్ అఫ్ కామర్స్ అధ్యక్షుడు కూడా. ఇప్పుడు చెప్పండి టాలీవుడ్ ఆయన చేతిలో ఉన్నట్టా లేనట్టా ?