సినీ ఇండస్ట్రీ లో గోల్డెన్ జూబిలీ పూర్తి చేసుకున్న మెగాస్టార్ .... !!
భారతీయ సినిమా పరిశ్రమలోని అనేకమంది గొప్ప నటుల్లో మలయాళ చిత్ర పరిశ్రమకు చెందిన దిగ్గజ నటుడు మెగాస్టార్ మమ్ముట్టి కూడా ఒకరు. తన కెరీర్ లో మోలీవుడ్ తో పాటు ఇతర భాషల్లో కూడా చాలా చిత్రాలు చేసిన మమ్ముట్టి మొత్తంగా 400 వరకు సినిమాలు చేసారు. ఇక తొలిసారిగా మలయాళంలో అనుభవంగల్ పలిచాకల్ సినిమా ద్వారా సినిమా తెరకు పరిచయమయ్యారు. కేఎస్ సేతు మాధవన్ దర్శకత్వం వహించిన ఈ సినిమాలో చిన్న పాత్ర చేసారు మమ్ముట్టి. 1971లో విడుదలైన ఈ సినిమా మంచి విజయాన్ని అందుకుంది. ఆ తరువాత కాలచక్రం, విక్కనుండు స్వప్నన్గల్, ఇలా వరుసగా అవకాశాలతో కొనసాగిన మమ్ముట్టి, తన కెరీర్ లో అక్కడి నుండి అనేక విజయవంతమైన చేసి నటుడిగా ప్రేక్షకుల మనస్సులో మెగాస్టార్ గా మంచి పేరు దక్కించుకున్నారు.