పవన్ కు విషెష్ తెలుపుతూ తమ అభిమానాన్ని చాటిన సెలబ్రిటీలు!!
టాలీవుడ్ సినిమా పరిశ్రమలో తన ఇమేజ్ తో కోట్లాది మంది అభిమానాన్ని సంపాదించుకుని వారికి ఏదో చేయాలని తపన పడే హీరో గా ఉంటాడు పవన్ కళ్యాణ్. సినిమా హీరోలలో హీరోయిన్లలో నటులలో టెక్నీషియన్ల లో కూడా ఈ హీరోకి అభిమానులు భారీ గా ఉంటారు అంటే పవన్ కళ్యాణ్ ఏ రేంజ్ లో ప్రతి ఒక్కరిని అలరిస్తాడో అర్థం చేసుకోవచ్చు. ఇక ఈ రోజు ఆయన పుట్టిన రోజు సందర్భంగా కోట్లాది మంది ప్రేక్షకులు లక్షలాది మంది అభిమానులు ఆయనకు శుభాకాంక్షలు తెలిపారు. ఈరోజు పుట్టినరోజు ను ఘనం గా జరుపుకున్న పవన్ అభిమానులు ఆయనపై అంతులేని ప్రేమను కురిపించారు.
వాటిలో మొదటగా భీమ్లా నాయక్ సినిమా ప్రేక్షకుల ముందుకు రానుంది. పవన్ పుట్టినరోజు సందర్భంగా ఈ సినిమా నుంచి టైటిల్ సాంగ్ విడుదల కాగా ఆ పాటకు భారీ స్థాయిలో ఆదరణ దక్కుతుంది. సాగర్ చంద్ర దర్శకత్వం వహించిన ఈ సినిమాకు త్రివిక్రమ్ రచయితగా వ్యవహరిస్తుండటం విశేషం. ఆ తరువాత క్రిష్ దర్శకత్వంలో తెరకెక్కిన హరిహర వీరమల్లు సినిమా వేసవి లో ప్రేక్షకుల ముందుకు రానుంది. ఇంకా హరీష్ శంకర్ దర్శకత్వంలో ఓ యాక్షన్ కమర్షియల్ చిత్రాన్ని చేస్తున్న విషయం తెలిసిందే. అంతేకాకుండా ఈరోజు ఆయన పుట్టినరోజు సందర్భన్ని పురస్కరించుకొని ఆయన నటిస్తున్న కొత్త సినిమా కూడా అనౌన్స్ మెంట్ అయింది. సురేందర్ రెడ్డి ఈ చిత్రానికి దర్శకత్వం వహిస్తున్నాడు.