ఏఎన్నార్ లేడీ గెటప్ వేసి ఎంత సంపాదించారో తెలుసా..?
అమ్మాయి వేషధారణలో అక్కినేని నాగేశ్వరరావుకు ఎంతో క్రేజ్ ఉండేది. లేడీ గెటప్లో నాటకం వేసేటప్పుడు స్టేజీలు దద్దరిల్లేవని టాక్. మొదటిసారి లేడీ గెటప్ వేసినప్పుడు అమ్మాయి పాత్రలో అక్కినేని ఎంతో అందంగా కనిపించారంట. నాగేశ్వరరావు లేడీ గెటప్లో ఉన్నప్పుడు ఒక వ్యాపారవేత్త చూసి.. చాలా అందంగా ఉంది. ఆమె ఒప్పుకుంటే పెళ్లి చేసుకుంటా అని అన్నారంట. చివరకు లేడీ గెటప్ అని తెలిశాక నవ్వుకున్నారంట. అంతలా ఆ పాత్రలో అక్కినేని నాగేశ్వరరావు లీనమయ్యేవారు.
అక్కినేని నాగేశ్వరరావు సినీ పరిశ్రమలో ఏకంగా 75 ఏళ్లు కొనసాగారు. పౌరాణిక, జానపద, సాంఘీక చిత్రాలల్లో నటించారు. కుటుంబ కథ, ప్రేమ కథా చిత్రాల్లో నటిస్తూ ప్రేక్షకుల ఆదరణను సొంతం చేసుకున్నారు. దేవదాసు, మూగమనుషులు వంటి బ్లాక్ బస్టర్ హిట్లను తన ఖాతాలో వేసుకున్నారు. బతికున్న సమయంలో ఆయన పడిన కష్టాల గురించి ఆయనే చెప్పుకున్నారు. నాగేశ్వరరావుకు మూడేళ్ల వయసు ఉన్నప్పుడు అతని తండ్రి చనిపోయారు. తల్లి, పెద్ద అన్నయ్య ప్రోత్సాహంతోనే సినీ పరిశ్రమలోకి అడుగుపెట్టారు.