ఒంటినిండా దెబ్బలతో నులక మంచంపై పడుకున్న పవన్ కళ్యాణ్.. నెట్టింట్లో ఫోటో వైరల్..!!
ప్రస్తుతం టాలీవుడ్ ఫిల్మ్ ఇండస్ట్రీలో పలు రకాల మల్టీస్టారర్ ప్రాజెక్టులు తెరకెక్కుతున్న సంగతి తెలిసిందే. అందులో ప్రేక్షకులు ఎంతగానో ఎదురు చూస్తున్న మల్టీస్టారర్ సినిమా 'భీమ్లా నాయక్' పవర్ స్టార్ పవన కళ్యాణ్, దగ్గుపాటి రాణా ల కాంబినేషన్ లో ఈ సినిమా తెరకెక్కుతోంది. దర్శకుడు సాగర్ కే చంద్ర మలయాళంలో హిట్టయిన అయ్యప్పనున్ కోషియం అనే సినిమాకి తెలుగు రీమేక్ గా దీన్ని తెరకెక్కిస్తున్నాడు. త్రివిక్రమ్ శ్రీనివాస్ స్క్రీన్ ప్లే, మాటలు అందిస్తున్నాడు. సితార ఎంటర్టైన్మెంట్స్ బ్యానర్ పై సూర్యదేవర నాగ వంశీ ఈ సినిమాని ఎంతో ప్రతిష్టాత్మకంగా నిర్మిస్తున్నాడు.
ఇక ఇక ఇప్పటికే ఈ సినిమాకు సంబంధించి విడుదలైన పోస్టర్స్, టీజర్స్,పాటలకు ప్రేక్షకుల్లో భారీ స్పందన వచ్చిన సంగతి తెలిసిందే. ఇక ఈ సినిమా ప్రమోషన్ విషయంలో చిత్రయూనిట్ ఎక్కడా తగ్గడం లేదు. షూటింగ్ మధ్య మధ్యలో ఈ సినిమాకు సంబంధించి కొన్ని పోస్టర్స్ ను అభిమానులతో పంచుకుంటూ వస్తున్నారు. ఈ క్రమంలోనే తాజాగా పవన్ కళ్యాణ్, దగ్గుపాటి రానా ల ఆఫ్ స్క్రీన్ ఫోటోను సోషల్ మీడియా వేదికగా పోస్ట్ చేసింది చిత్రయూనిట్. ఈ ఫోటోలో పవన్ కళ్యాణ్ ఒంటి నిండా గాయాలతో నులక మంచం మీద పడుకొని ఉండగా..
ఇప్పుడు అభిమానులను ఎంతగానో ఆకట్టుకుంటోంది. ఈ ఇద్దరూ కెమెరా ముందు బద్ధ శత్రువులుగా, కెమెరా వెనక మంచి స్నేహితులుగా కొనసాగుతున్నారని అభిమానులు కామెంట్ చేస్తున్నారు. ప్రస్తుతం ఈ ఫోటో ఇప్పుడు నెట్టింట్లో ఎంతో వైరల్ గా మారుతోంది. ఇక ఇదిలా ఉండగా ఈ సినిమాలో యాక్షన్ సీక్వెన్స్ లు ఓ రేంజ్ లో ఉండబోతున్న ట్లు తెలుస్తోంది. అంతేకాదు సినిమాకి ఆ యాక్షన్ సీక్వెన్స్ లే మెయిన్ హైలెట్ గా నిలవనున్నట్లు సమాచారం. ఇక ఈ సినిమాలో పవన్ సరసన నిత్యమీనన్ హీరోయిన్గా నటిస్తుండగా.. దగ్గుబాటి రానాకు జోడిగా సంయుక్త మీనన్ కనిపించనుంది. వచ్చే ఏడాది సంక్రాంతి కానుకగా జనవరి 12న ఈ సినిమా ప్రేక్షకుల ముందుకు రానుంది...!!