ഹൊറർ ത്രില്ലറിൽ തകർക്കാനുള്ള തയ്യാറെടുപ്പിൽ പ്രിയ നടൻ ഇന്ദ്രൻസ്
ഹൊറർ ത്രില്ലറിൽ തകർക്കാനുള്ള തയ്യാറെടുപ്പിൽ പ്രിയ നടൻ ഇന്ദ്രൻസ്. മലയാള സിനിമയിലെ നായകന്മാരിൽ എളിമയുടെ പര്യായം കൂടിയാണ് നടൻ ഇന്ദ്രൻസ്. തീർത്തും വേറിട്ട കഥാപാത്രങ്ങളിലൂടെയാണ് ഇപ്പോൾ ഇന്ദ്രൻസിൻ്റെ കരിയർ ഗ്രാഫിൻ്റെ സഞ്ചാരം. ഇന്ദ്രൻസ് നായകനാകുന്ന പുത്തൻ ചിത്രമാണ് വാമനൻ, തീർത്തും വ്യത്യസ്തമായ കഥാപാത്രത്തെയാണ് ചിത്രത്തിൽ ഇന്ദ്രൻസ് അവതരിപ്പിക്കുന്നത്. ചിത്രത്തിന് കൊച്ചിയിൽ തുടക്കമായിരിക്കുകയാണ് ഇപ്പോൾ. മലയാള സിനിമയിൽ ഏറെ അഭിനയമുഹൂർത്തങ്ങൾ സമ്മാനിച്ച ഒരുപിടി കഥാപാത്രങ്ങളിലൂടെ മലയാളികളുടെ പ്രിയതാരമായ നടനാണ് ഇന്ദ്രൻസ്.
കോസ്റ്റ്യൂം ഡിസൈനറായി സിനിമാ രംഗത്തെത്തിയ അദ്ദേഹം പിന്നീട് ചെറിയ ചെറിയ വേഷങ്ങളിലൂടെയും ഹാസ്യതാരവുമൊക്കെയായാണ് നായകനിരയിലേക്ക് ഉയർന്നത്. മികച്ച നടനുള്ള സംസ്ഥാന ചലച്ചിത്ര പുരസ്കാരം നേടിയിട്ടുമുണ്ട് അദ്ദേഹം. നടി സീമാ ജി നായരാണ് ഫസ്റ്റ് ക്ലാപ്പ് നൽകിയത്. സോഹൻ സീനു ലാൽ തിരക്കഥ കൈമാറി. ചലച്ചിത്ര പ്രവർത്തകരുടെയും അണിയറ പ്രവർത്തകരും ബന്ധുക്കളും പൂജാ ചടങ്ങിൽ സംബന്ധിച്ചു. നവാഗതനായ ഏ ബി ബി നിൽ തിരക്കഥ രചിച്ച് സംവിധാനം ചെയ്യുന്ന ഈ ചിത്രം മൂവി ഗാങ്ങ് പ്രൊഡക്ഷൻസിൻ്റെ ബാനറിൽ അരുൺ ബാബു, കെ.ബി സമഹ് അലി, എന്നിവർ ചേർന്നാണ് നിർമ്മിക്കുന്നത്.
രഘു വേണുഗോപാൽ, രാജീവ് വാര്യർ എന്നിവരാണ് എക്സിക്യൂട്ടീവ് പ്രൊഡ്യൂസേർസ്. കടവന്ത്ര കവലയ്ക്കൽ ഭഗവതി ക്ഷേത്രത്തിൽ വെച്ച് നടന്ന ലളിതമായ ചടങ്ങിലാണ് സിനിമയ്ക്ക് ആരംഭം കുറിച്ചിരിക്കുന്നത്. സംവിധായകനും നടനുമായ ശ്രീകാന്ത് മുരളി സിനിമയുടെ സ്വിച്ചോൺ കർമ്മം നിർവ്വഹിച്ചു. ഇന്ദ്രൻസിനു പുറമേ ബൈജു സന്തോഷ്, ഹരീഷ് കണാരൻ, സീമാ ജി.നായർ, സീനു സിദ്ധാർത്ഥ്, എബി അജി എന്നിവരും ഏതാനും പുതുമുഖങ്ങളും ഈ ചിത്രത്തിൽ അണിനിരക്കുന്നു. സന്തോഷ് വർമ്മയാണ് ഗാനങ്ങൾ ഒരുക്കുന്നത്.
നിഥിൻ ജോർജാണ് സംഗീതം. അരുൺ ശിവനാണ് സിനിമയുടെ ഛായാഗ്രാഹകൻ. ബാബുരത്നം എഡിറ്റിംഗ് നിർവ്വഹിക്കുന്നു. നിധിൻ എടപ്പാളാണ് കലാസംവിധാനം നിർവ്വഹിക്കുന്നത്. അഖിൽ.ടി .രാജാണ് മേക്കപ്പ് കാര്യങ്ങൾ ചെയ്യുന്നത്. ഒരു ഹൈറേഞ്ച് പശ്ചാത്തലത്തിലൂടെ തികഞ്ഞ സൈക്കോ ത്രില്ലർ സിനിമയായിരിക്കുമിത്. സൂര്യാഖേർ കോസ്റ്റ്യം ഡിസൈനറായി സിനിമയ്ക്കൊപ്പമുണ്ട്. ബിച്ചുവാണ് അസ്സോസ്സിയേറ്റ് ഡയറക്ടർ. പ്രജീഷ് പ്രഭാസനാണ് പ്രൊഡക്ഷൻ എക്സിക്കുട്ടിവ്.