అడ కత్తెరలో ఆర్ఆర్ఆర్.. రాజమౌళి తక్షణ కర్తవ్యం..?
పవన్ కల్యాణ్ ని ఒప్పించుకుని వెనక్కి పంపించేశారు, ప్రభాస్ తో సరైన గ్యాప్ మెయింటెన్ చేస్తున్నారు, హిందీ సినిమాల రిలీజ్ డేట్లతో సమస్యలు ఉన్నా.. మరో రకంగా సర్దుబాటు చేసుకున్నారు, ఇక అన్నీ మనకు అనుకూలమే అని ఆర్ఆర్ఆర్ టీమ్ భావించిన వేళ.. ఒమిక్రాన్ రాజమౌళిని హడలెత్తిస్తోంది. దేశవ్యాప్తంగా నైట్ కర్ఫ్యూ విధించడానికి కూడా కేంద్రం వెనకాడటం లేదని తెలిసింది. తాజాగా ఆంక్షలు మరింత కఠినతరం చేయాలంటూ రాష్ట్రాలకు ఆదేశాలిచ్చింది. పండగ వేళ పూర్తి స్థాయిలో నిబంధనలు అమలు చేయాలంది. ఈ దశలో సినిమా హాళ్లకు మాత్రం పర్మిషన్ ఉంటుందా..? ఒకవేళ ఉన్నా కూడా పాత పద్ధతిలో 50 శాతం ఆక్యుపెన్సీ అంటే పరిస్థితి ఏంటి..? పోనీ ఆర్ఆర్ఆర్ రిలీజ్ డేట్ నాటికి అంతా బాగానే ఉన్నా.. సంక్రాంతికి కేసులు పెరిగి సమస్య పెద్దదైతే ఎలా..? మొత్తమ్మీద మరోసారి ఆర్ఆర్ఆర్ కి టెన్షన్ మొదలైంది.
ఆర్ఆర్ఆర్ కి మొదటి నుంచీ అన్నీ టెన్షన్లే. సినిమా షూటింగ్ పై కూడా కరోనా ప్రభావం బాగానే పడింది. అవాంతరాలన్నీ దాటుకుని ఇప్పుడు విడుదలకు ముహూర్తం పెట్టుకుంటే ఇది కూడా సుముహూర్తం అనే గ్యారెంటీ లేదు. అఖండ, పుష్ప.. తాజాగా శ్యామ్ సింగ రాయ్ కి పెద్దగా ఇబ్బందుల్లేవు. థియేటర్లు వందశాతం ఆక్యుపెన్సీతో రన్ చేసుకునే అవకాశముంది. కానీ భవిష్యత్తులో పరిస్థితులు ఇలాగే ఉంటాయనే అంచనాలు లేవు. ఇప్పటికే కొన్ని రాష్ట్రాల్లో నైట్ కర్ఫ్యూ పెట్టారు. పండగ వేళ మరిన్ని ఆంక్షలు పెడతారంటున్నారు. సరిగ్గా పండగ కలెక్షన్లపైనే ఆర్ఆర్ఆర్ భారీగా అంచనాలు పెట్టుకుంది. దీంతో అసలేం జరుగుతుందా అనే అనుమానం అందరిలో ఉంది.
అన్నీ బాగుంటే కుమ్ముడే..
పరిస్థితులన్నీ బాగుంటే ఆర్ఆర్ఆర్ వచ్చే టైమ్ అన్నిటికీ అనుకూలంగా ఉంటుంది. అటు బాలీవుడ్ సహా ఇతర భాషల్లో కూడా పోటీ ఉండదు కాబట్టి కలెక్షన్లు రాబట్టుకునే అవకాశం ఉంటుంది. అయితే ఏపీలో టికెట్ల రేట్ల తగ్గింపు, బెనిఫిట్ షో ల రద్దు వల్ల కాస్త ఇబ్బంది ఎదురయ్యే అవకాశం ఉంది. కానీ కోర్టులో తుది తీర్పుపై ఇదంతా ఆధారపడి ఉంటుంది. ఈ నేపథ్యంలో అన్ని లెక్కలు ఆర్ఆర్ఆర్ కి అనుకూలంగా ఉన్నా.. ఒమిక్రాన్ కేసులు పెరిగితే మాత్రం మొదటికే మోసం వస్తుంది. మిగతా సినిమాల సంగతి పక్కనపెడితే.. విడుదలకి అన్నీ సిద్దం చేసుకుని, ప్రమోషన్ ని కూడా భారీ ఎత్తున ప్రారంభించిన ఆర్ఆర్ఆర్ టీమ్ కి మాత్రం ఇది కాస్త ఆందోళన కలిగించే అంశమే. దీన్ని రాజమౌళి ఎలా అధిగమిస్తారో చూడాలి.
ఆర్ఆర్ఆర్ కి మొదటి నుంచీ అన్నీ టెన్షన్లే. సినిమా షూటింగ్ పై కూడా కరోనా ప్రభావం బాగానే పడింది. అవాంతరాలన్నీ దాటుకుని ఇప్పుడు విడుదలకు ముహూర్తం పెట్టుకుంటే ఇది కూడా సుముహూర్తం అనే గ్యారెంటీ లేదు. అఖండ, పుష్ప.. తాజాగా శ్యామ్ సింగ రాయ్ కి పెద్దగా ఇబ్బందుల్లేవు. థియేటర్లు వందశాతం ఆక్యుపెన్సీతో రన్ చేసుకునే అవకాశముంది. కానీ భవిష్యత్తులో పరిస్థితులు ఇలాగే ఉంటాయనే అంచనాలు లేవు. ఇప్పటికే కొన్ని రాష్ట్రాల్లో నైట్ కర్ఫ్యూ పెట్టారు. పండగ వేళ మరిన్ని ఆంక్షలు పెడతారంటున్నారు. సరిగ్గా పండగ కలెక్షన్లపైనే ఆర్ఆర్ఆర్ భారీగా అంచనాలు పెట్టుకుంది. దీంతో అసలేం జరుగుతుందా అనే అనుమానం అందరిలో ఉంది.
అన్నీ బాగుంటే కుమ్ముడే..
పరిస్థితులన్నీ బాగుంటే ఆర్ఆర్ఆర్ వచ్చే టైమ్ అన్నిటికీ అనుకూలంగా ఉంటుంది. అటు బాలీవుడ్ సహా ఇతర భాషల్లో కూడా పోటీ ఉండదు కాబట్టి కలెక్షన్లు రాబట్టుకునే అవకాశం ఉంటుంది. అయితే ఏపీలో టికెట్ల రేట్ల తగ్గింపు, బెనిఫిట్ షో ల రద్దు వల్ల కాస్త ఇబ్బంది ఎదురయ్యే అవకాశం ఉంది. కానీ కోర్టులో తుది తీర్పుపై ఇదంతా ఆధారపడి ఉంటుంది. ఈ నేపథ్యంలో అన్ని లెక్కలు ఆర్ఆర్ఆర్ కి అనుకూలంగా ఉన్నా.. ఒమిక్రాన్ కేసులు పెరిగితే మాత్రం మొదటికే మోసం వస్తుంది. మిగతా సినిమాల సంగతి పక్కనపెడితే.. విడుదలకి అన్నీ సిద్దం చేసుకుని, ప్రమోషన్ ని కూడా భారీ ఎత్తున ప్రారంభించిన ఆర్ఆర్ఆర్ టీమ్ కి మాత్రం ఇది కాస్త ఆందోళన కలిగించే అంశమే. దీన్ని రాజమౌళి ఎలా అధిగమిస్తారో చూడాలి.