క్లైమాక్స్ లేకుండానే రానా సినిమా విడుదల..
'బాహుబలి' సినిమా పూర్తయిన టైంలోనే రానా హీరోగా బ్రిటీష్ పాలన నేపథ్యంలో రూపొందిన సినిమా దేశభక్తి చిత్రం '1945'. నిజానికి ఈ రోజు దేశభక్తి కథాంశంతో తెరకెక్కిన 'ఆర్.ఆర్.ఆర్' అనే భారీ మల్టీస్టారర్ సినిమాను చూద్దామని ఆశపడిన ప్రేక్షకులకి రానా '1945' సినిమాతో సరిపెట్టుకోవాల్సి వచ్చింది.ఇక 'ఈ సినిమాతో నాకు ఎటువంటి సంబంధం లేదు' అని రానా ఇది వరకే తన సోషల్ మీడియా ద్వారా తెలియజేయడం షాకింగ్ అని చెప్పాలి.అసలు ఈ సినిమా షూటింగ్ కూడా అసలు కంప్లీట్ అవ్వలేదు..కేవలం క్యాష్ చేసుకోవడానికి మాత్రమే ఫస్ట్ లుక్ ను విడుదల చేసారు.దయచేసి దీన్ని ఎంకరేజ్ చేయకండి' అంటూ రానా కూడా ఆవేదన వ్యక్తం చేసాడు.ఇక సినిమా 'షూటింగ్ పూర్తయ్యిందో లేదో డిసైడ్ చెయ్యాల్సింది దర్శకుడు' అంటూ నిర్మాత కూడా రానాకి గట్టి కౌంటర్ ఇచ్చాడు. ఆ టైములో ఇలా బహిరంగంగా తాను ఓకె చేసిన సినిమాతో 'నాకు సంబంధం లేదు' అని రానా చెప్పడం జనాలకి అయితే అసలు నచ్చలేదు.
నానా గొడవల్ని ఎదుర్కొని చివకారికి నిర్మాత సి.కళ్యాణ్ పుణ్యమా అని ఈ సినిమా ఈరోజు థియేటర్లోకి వచ్చింది.ఇక '1945' సినిమా చూసాక జనాలకి రానా ఆవేదన కరెక్టే అనే ఫీలింగ్ కలిగింది అనడంలో ఎలాంటి అతిశయోక్తి లేదు.ఈ సినిమాలో హీరో రానాతో పాటు రెజీనా, నాజర్, సత్యరాజ్, సప్తగిరి వంటి స్టార్ క్యాస్టింగ్ కూడా ఉంది. ఈ సినిమా నిర్మాణ విలువలు కూడా బాగానే ఉన్నాయి. అయితే దర్శకుడు సత్యశివ తన కథనంతో మాత్రం ఏమాత్రం ఆకట్టుకోలేకపోయాడు.నటీనటుల్ని సరిగ్గా వాడుకోలేదు సరి కదా అసలు దేశభక్తి కలిగిన సినిమాల్లో ఉండే బలమైన ఎమోషనల్ సన్నివేశాలు కూడా ఒక్కటంటే ఒక్కటి కూడా ఈ చిత్రంలో లేదు అంటే దర్శకుడు ఎంత కామెడీగా ఈ సినిమా తీసాడో మనం అర్ధం చేసుకోవచ్చు.అసలు ఈ సినిమాకి క్లైమాక్స్ అనేది లేకపోవడం పెద్ద సిల్లీ పాయింట్. కొద్దో గొప్పో సంతోషించే విషయం ఏంటంటే ఈ సినిమా నిడివి 2 గంటల 2 నిమిషాలే కావడం.