యేసు దాసు : స్వామి గీతాలే పాడెదను? ఆకలిని జయించిన పాట
స్వామి గీతాలే పాడెదను..ఎలా పాడాలి ఈ పాట..నారద తుంబుర ధోరణిలో పాడాలి..గంధర్వ గంధాలు పూసుకుని పాడాలి.. చాంపేయ వర్ణాలు కలుపుకుని పాడాలి.. విశ్వమంతా పరివ్యాప్తం అయిన పాటను స్వరం కుదించి పాడుకోవాలి. స్వర ప్రస్థార గమన రీతిని అనునయించి పాడాలి..ఇవాళ కేజే యేసు దాసు పుట్టిన్రోజు (జనవరి 10)వారికి శుభాకాంక్షలు చెబుతూ రాస్తున్నానొక ప్రత్యేక కథనం.
చలి గాలుల రాకలతో
లోపలి ఉక్కపోతలు తొలగిపోతాయి
బాహ్య సుఖాలకూ
లోపలి దుఃఖాలకూ మధ్య అంతరం
పెరిగిపోతుంది
సుఖం ఐహికం దుఃఖం జన్మ కారణం
దుఃఖాలను మోసుకు వచ్చిన ఈ కాలానికి
విరుగుడు సాధ్యమా.. నిలువరింత సాధ్యమా
మీ బిడ్డలతో మీరు మీ మీ కాలాలతో మీరు
చెప్పానుగా సమం అన్నది లేదు
సమ స్థాయి అన్నదే ఓ భ్రమ
సంగీతంలో కాదు సంగీతంతో సమం అన్నది లేదు సముద్రానికి
సమం అయిన రీతి ఎవ్వరిలోనూ లేదు దానిని అసాధ్యత అని అనాలి
ఇవాళ యేసయ్య (కట్టశేరి జోసఫ్ యేసు దాసు) పుట్టిన రోజు
చలి గాలుల రాకలతో
లోపలి ఉక్కపోతలు తొలగిపోతాయి
బాహ్య సుఖాలకూ
లోపలి దుఃఖాలకూ మధ్య అంతరం
పెరిగిపోతుంది
సుఖం ఐహికం దుఃఖం జన్మ కారణం
దుఃఖాలను మోసుకు వచ్చిన ఈ కాలానికి
విరుగుడు సాధ్యమా.. నిలువరింత సాధ్యమా
మీ బిడ్డలతో మీరు మీ మీ కాలాలతో మీరు
చెప్పానుగా సమం అన్నది లేదు
సమ స్థాయి అన్నదే ఓ భ్రమ
సంగీతంలో కాదు సంగీతంతో సమం అన్నది లేదు సముద్రానికి
సమం అయిన రీతి ఎవ్వరిలోనూ లేదు దానిని అసాధ్యత అని అనాలి
ఇవాళ యేసయ్య (కట్టశేరి జోసఫ్ యేసు దాసు) పుట్టిన రోజు
మండే షైనింగ్స్ : మానవ వీధులలో జ్ఞాపక సంచారం
ఇవాళను పోలిన ఇవాళ రేపటిని పోలిన ఇవాళ ఉంటుందా..కాలం కొన్నింట ప్రశ్నలుగా మెరిసి ఆకట్టుకోని జవాబులకు ఆనవాలు అవుతుంది.వెలవెలబోయే జీవితాల చెంత యేసు దాసు ఉన్నారు. ఉపదేశ సారం ఒకటి జీవితానికి అనుగామిగా ఉంటుంది.ఏ వేళ అయినా సవాళ్లనో సందిగ్ధతనో వద్దనుకుని పోవడం ఎవ్వరి తరం.బాధగా గడిచే రోజు నాన్న గుర్తుకువస్తాడు.నాన్నను చివరి దశలో చూసిన జ్ఞాపకం ఒకటి గుర్తుకువస్తుంది ఆయనకు.జ్ఞాపకం చేసిన గాయాలు మళ్లీ మళ్లీ కొత్తగా కనిపిస్తాయి.బాధకు కొనసాగింపు ఇచ్చి ఇంకొంత దుఃఖాలను అదనపు కానుకలుగా చేస్తుంది. గత కాలాన నేను అలానే ఉన్నాను.ఇప్పుడూ అలానే ఉన్నాను.నా మార్పు అన్నది స్వరంలో ఉందా లేదా వెల్లడిలో ఉందా అన్నదే ముఖ్యం.మీరు మీ బిడ్డలూ అంతా సంస్కృతికి వారసులు అయి తీరాలి.
అమ్మనాన్నల బాధ్యతలను నిర్వర్తించడంలో ముందుండాలి. ఒకప్పటి నేను జేబులో డబ్బుల్లేక ఎన్నో అవస్థలు పడ్డాను..మార్చురీ నుంచి నాన్న శవం పొందలేక పొందేందుకు డబ్బుల్లేక అవస్థ పడ్డాను. అవన్నీ దాటాక ఈ రోజు అప్పటి జీవితం నాకొక పరివర్తన కారకం అని అంటారాయన.ఇక్కడ నేనెవ్వరినీ తప్పు పట్టను జీవితం ఇది జీవించాలంతే..అని అంటారాయన.తల్లిదండ్రులూ మీ పిల్లలకు సంస్కృతి నేర్పండి..అన్నది ఆయన వినుతి.రేపటి తరానికే మీ మంచి విలువలే శ్రీరారక్ష..అని విన్నవిస్తారాయన.గాయపడిన చోటు కాలాలు మాత్రం మౌనంగా ఉంటాయి. ఉద్ధృతితో కూడిన కార్యాచరణలే కొత్త వేకువల నిర్మాణానికి సహకరిస్తాయి.
డియర్ సర్ హ్యాపీ బర్త్ డే ..
- రత్నకిశోర్ శంభుమహంతి
- రత్నకిశోర్ శంభుమహంతి