నేరుగా 'ఓటిటి' లో విడుదల కానున్న జాన్వీకపూర్ సినిమా..!
అతి తక్కువ మంది హీరోయిన్ లకు మాత్రమే సినిమా ఇండస్ట్రీ లోకి ఎంట్రీ ఇచ్చిన మొదటి సినిమా తోనే బ్లాక్ బస్టర్ విజయాలు దక్కుతూ ఉంటాయి, అలా సినిమా ఇండస్ట్రీ లోకి ఎంట్రీ ఇచ్చిన మొదటి మూవీ తోనే మంచి విజయాన్ని బాక్స్ ఆఫీస్ దగ్గర అందుకున్న ముద్దుగుమ్మ లలో జాన్వీ కపూర్ ఒకరు. జాన్వీ కపూర్ బాలీవుడ్ ఇండస్ట్రీ లోకి ఎంట్రీ ఇచ్చిన మొదటి సినిమా దడక్ తో మంచి విజయాన్ని బాలీవుడ్ బాక్స్ ఆఫీస్ దగ్గర దక్కించుకుంది, దడక్ మూవీ తో జాన్వీ కపూర్ బాలీవుడ్ ఇండస్ట్రీలో ఫుల్ క్రేజ్ ను సంపాదించుకుంది. ఈ ముద్దుగుమ్మ ఆ తర్వాత ఘోస్ట్ స్టోరీస్ వెబ్ సిరీస్ లో నటించింది, ఈ వెబ్ సిరీస్ తో జాన్వీ కపూర్ ఎంతో మంది ప్రేక్షకులను అలరించింది.
ఆ తర్వాత జాన్వీ కపూర్ 'గుంజన్ సక్సేనా' ది కార్గిల్ గర్ల్ సినిమాలో నటించింది, ఈ సినిమా ద్వారా కూడా జాన్వీ కపూర్ ప్రేక్షకులను అలరించింది. ఇది ఇలా ఉంటే జాన్వీ కపూర్ ఇప్పటి వరకు నేరుగా ఒక తెలుగు సినిమాలో కూడా నటించడం పోయినప్పటికీ బాలీవుడ్ లో నటించిన సినిమాల ద్వారానే తెలుగులో కూడా మంచి క్రేజ్ ను సంపాదించుకుంది, ఇది ఇలా ఉంటే తాజాగా ఈ ముద్దుగుమ్మ నటించిన 'గుడ్ లక్‌ జెర్రీ' మూవీ కి సంబంధించిన ఓ ఆసక్తికరమైన వార్త నెట్టింట్లో తెగ వైరల్ అవుతుంది. గుడ్ లక్‌ జెర్రీ మూవీ థియేటర్ లలో కాకుండా నేరుగా 'ఓ టి టి' లో విడుదల కాబోతుంది అంటూ ఒక వార్త సోషల్ మీడియాలో ప్రస్తుతం చక్కర్లు కొడుతోంది, ఈ మూవీ హక్కులను డిస్నీ ప్లస్ హాట్ స్టార్ సొంతం చేసుకున్నట్టు వార్తలు వస్తున్నాయి. ఇది ఇలా ఉంటే 'గుడ్ లక్‌ జెర్రీ' తమిళ చిత్రం 'కోలమావు కోకిల' మూవీ కి రీమేక్ గా తెరకెక్కింది, తమిళంలో నయనతార పోషించిన పాత్రను హిందీ లో జాన్వీ కపూర్ పోషించింది, ఇది ఇలా ఉంటే జాన్వీ కపూర్ ప్రధాన పాత్రలో తెరకెక్కిన 'గుంజన్ సక్సేనా' ది కార్గిల్ సినిమా కూడా నేరుగా నెట్ ఫ్లిక్స్ :ఓ టి టి' లో విడుదల అయ్యింది.