ఆదిపురుష్ పై డైరెక్టర్ ఆసక్తికర కామెంట్స్!
ప్రభాస్ హీరోగా రాబోతున్న "ఆది పురుష్" సినిమాపై అంచనాలు ఓ రేంజిలో వున్నాయి.ఇక తాజాగా ఆ అంచనాల్ని రెట్టింపు చేస్తూ రాముడి పాత్ర గురించి డైరెక్టర్ ఓం రౌత్ ఆసక్తికర విశేషాలు వెల్లడించారు.``కథలో రాముడి వైభవాన్ని చాలా గొప్పగా చూపించబోతున్నాం. ప్రేక్షకుల ఊహకు అందని విధంగా సీన్లు హైలైట్ గా ఉంటాయి. రామాయణం ఎప్పుడు కూడా బలమైన ప్రభావాన్ని కల్గి ఉంటుంది. రాముడి పరాక్రమ శైలిని ఈ సినిమాలో హైలైట్ చేస్తున్నాం. ఈ సినిమా కథ నాపై ఎంతగానో ప్రభావాన్ని చూపింది. `ఆది పురుష్` షూటింగ్ అనుభవాన్ని నేను ఎప్పటికీ మర్చిపోలేను.మనం ఎన్నో సినిమాలకు పనిచేస్తాం. కానీ వాటిలో కొన్ని సినిమాలు ఎప్పటికీ మధురస్మృతులే. అలాంటి సినిమాల్లో `ఆదిపురుష్` కి నెంబర్ 1 స్థానం ఇస్తాను. ప్రభాస్..సైఫ్ అలీఖాన్ లాంటి ఇద్దరి స్టార్ హీరోలతో పనిచేయడం చాలా గొప్ప అనుభూతినిచ్చింది. ఈ సినిమా షూటింగ్ సమయంలో ప్రభాస్ ని కేవలం అతని శరీరంపై మాత్రమే పనిచేయమని నేను అడిగాను. ఎందుకంటే రాముడు ఓ మంచి విల్లు కారుడు. అందులో అతని పరాక్రమ శైలి గురించి ప్రత్యేకంగా చెప్పాల్సిన పనిలేదు.
ఆ
ర్చర్ ల శరీరం విల్లులా ఎలా వంగుతుందో...సినిమాలో హీరో క్యారెక్టరైజేషన్ కూడా అలాగే ఉండాలని అని హీరో ప్రభాస్ తో చెప్పాను. అతను ఎంతో ఎఫెర్ట్ పెట్టి ఈ సినిమాకి పని చేసారు. రాముడి పాత్రలోకి హీరో ప్రభాస్ సునాయాసంగా ట్రాన్సపర్ కాగలిగారు. సినిమా కోసం ప్రభాస్ ఎంతగానో కష్టపడ్డారు. ఇక అతని లో బాగా నచ్చే క్వాలిటీ ఏంటంటే అతను డౌన్ టూ ఎర్త్ పర్సన్.సెట్ లో అందరూ సమాన భావనే అన్నది అతని ఉద్దేశ్యం.అతనిలో వున్న ఆ లక్షణం నాకు ఎంతగానో నచ్చింది. ప్రభాస్ ఇంటిఫుడ్ ని సెట్ లో అందరికీ రుచి చూపిస్తారు. ఆయన చాలా సరదాగా ఉంటారు. ఇక రావణుడి పాత్రకు సైఫ్ అలీఖాన్ ఎంపిక విషయాన్ని కూడా రివీల్ చేసారు. `తాన్హాజీ` సినిమాలో సైఫ్ అలలీఖాన్ పాత్ర నన్ను చాలా బాగా ఆకట్టుకుంది. ఆ పాత్ర చూసే `ఆదిపురుష్` సినిమాలో రావణుడి పాత్రకు అతను మాత్రమే న్యాయం చేయగలడని భావించి ఆయన్ని ఎంపిక చేసాం" అని ఓం రౌత్ తెలిపారు.