RRR వసూళ్లు ఫేకా? సెల్ఫ్ డబ్బా కొట్టుకుంటున్నారా?
గత రెండు వారాల్లో మరే ఇతర పెద్ద సినిమా లేకపోవడంతో rrr సినిమాకి జనం బ్రహ్మరథం పడుతుతున్నారు. ఈ నేపథ్యంలో ఒక్క నైజాం ఏరియాలోనే రూ.100 కోట్లకు పైగా షేర్ వసూళ్లు సాధించి ఈ సినిమా సరికొత్త రికార్డ్ క్రియేట్ చేసింది. దీంతో నైజాం డిస్ట్రిబ్యూటర్ దిల్ రాజు అందరికి గ్రాండ్ గా పార్టీ కూడా ఇచ్చారు.యూఎస్ఏ ఇంకా అలాగే నార్త్ సర్క్యూట్స్ లో కూడా 'ఆర్.ఆర్.ఆర్' సినిమా మంచి వసూళ్ళు అందుకుంటున్నట్లు చెబుతున్నారు. అంత వచ్చాయి ఇంత వచ్చాయి అని అంటున్నారు కానీ అసలు రియల్ గా ఆ రెండు ఏరియాలలో ఇంకా బ్రేక్ ఈవెన్ అవ్వలేదని ట్రేడ్ వర్గాల్లో కామెంట్స్ అయితే బలంగా వినిపిస్తున్నాయి.హిందీలో rrr సినిమాని విడుదల చేసిన పెన్ స్టూడియోస్ అధినేత జయంతిలాల్ గడ బుధవారం సాయంత్రం ముంబైలో గ్రాండ్ గా పార్టీని ఏర్పాటు చేసారు. దీనికి రాజమౌళి - రామ్ చరణ్ - ఎన్టీఆర్ లతో పాటుగా బాలీవుడ్ యాక్టర్స్ అమీర్ ఖాన్ - కరణ్ జోహార్ - జావేద్ అక్తర్ - జానీ లీవర్ వంటి పలువురు బాలీవుడ్ ప్రముఖులు కూడా హాజరయ్యారు.
ఇక ఈ సందర్భంగా rrr సినిమా 1000 కోట్లు కలెక్ట్ చేసినట్లు కేక్ కట్ చేసి సెలబ్రేషన్స్ కూడా చేసుకున్నారు.ఇక ఈ మూవీ కలెక్షన్స్ వివరాలు తెలుపుతూ మేకర్స్ అధికారిక పోస్టర్ ఏదీ కూడా రిలీజ్ చేయలేదు. కానీ ముంబై ఈవెంట్ లో ఎక్కడ చూసినా '1000 కోట్లు' అంటూ హడావిడి చేసినట్లు మనకు తెలుస్తోంది. అయితే ఇదంతా కూడా ప్రమోషన్స్ లో భాగంగానే జరిగిందనే కామెంట్స్ బాగా వినిపిస్తున్నాయి.మూడో వారంలో జనాల దృష్టిని ఆకర్షించడానికి ఇలాంటి స్పెషల్ పార్టీలు ఇంకా అలాగే ఈవెంట్స్ నిర్వహిస్తున్నారేమో అని నెటిజన్లు కామెంట్స్ చేస్తున్నారు. ఏదేమైనా మరో వారం వరకూ పాన్ ఇండియా బాక్సాఫీస్ వద్ద rrr సినిమాకు పోటీగా వచ్చే సినిమా ఏదీ లేదు. కాబట్టి రాబోయే రోజుల్లో మ్యాజిక్ ఫిగర్ 1000 కోట్ల మార్క్ ను టచ్ చేయడమే కాకుండా అంతకంటే ఎక్కువ వసూళ్ళు అందుకునే అవకాశం కూడా ఉందని ట్రేడ్ వర్గాలు అంచనా వేస్తున్నాయి.