ഉണ്ണി മുകുന്ദൻ ആദ്യമായി അഭിനയിച്ച സിനിമ ഏത്? വൈശാഖും ജോബിയും തമ്മിൽ ത‍ർക്കം!
ഉണ്ണി മുകുന്ദൻ ആദ്യമായി അഭിനയിച്ച സിനിമ ഏത്? വൈശാഖും ജോബിയും തമ്മിൽ ത‍ർക്കം! നവാഗതനായ വിഷ്ണു മോഹൻ രചനയും സംവിധാനവും നിർവ്വഹിച്ച സിനിമയിൽ ഉണ്ണി തന്നെയായിരുന്നു നായകൻ. അഞ്ജു കുര്യനാണ് ഉണ്ണി മുകുന്ദൻറെ നായികയായി സിനിമയിൽ എത്തിയത്. ഒരു സ്ഥലക്കച്ചവടവും അതിന് പിന്നിലെ പുലിവാലുകളുമൊക്കെ പ്രമേയമാക്കിയ സിനിമ തീയേറ്ററുകളിൽ മികച്ച വിജയം നേടിയിരുന്നു. സിനിമയുടെ നൂറാം ദിനാഘോഷം കഴിഞ്ഞ ദിവസം നടന്നു. ഉണ്ണി മുകുന്ദൻ ആദ്യമായി നിർമ്മാതാവിൻറെ കുപ്പായം അണിഞ്ഞ് ഈ വർഷം ആദ്യം തീയേറ്ററുകളിലേക്ക് എത്തിയ ചിത്രമാണ് 'മേപ്പടിയാൻ'. ഈ നിമിഷം നടനെന്ന നിലയിലും നിർമ്മാതാവെന്ന നിലയിലും ഉണ്ണിയുടെ വളർച്ചയിൽ ഏറെ സന്തോഷമുണ്ട്.
കാരണം ഉണ്ണിയുടെ തുടക്കം എൻറെ കൂടെയായതുകൊണ്ടാണ്, ചടങ്ങിൽ വൈശാഖ് പ്രസംഗത്തിനിടെ പറഞ്ഞു. പതിനഞ്ച് ദിവസമാണ് തീയേറ്ററുകളിൽ സിനിമയോടുകയെന്ന് പറയുന്നൊരു കാലഘട്ടത്തിൽ നൂറ് ദിവസം ഒരു സിനിമ ആഘോഷിക്കപ്പെടുന്നതു തന്നെ വളരെ സന്തോഷമാണ്.ഉണ്ണി എനിക്ക് അനുജനാണ്. ഇവിടെ വന്നത് ഉണ്ണിയോടുള്ള ഇഷ്ടം കൊണ്ടാണ്. ഈ പടത്തിൽ ഉണ്ണിയെ അഭിനനന്ദിക്കുന്നതോടൊപ്പം സംവിധായകൻ വിഷ്ണു മോഹനെയും അഭിനന്ദിക്കേണ്ടതുണ്ടെന്ന്, നിർമ്മാതാവ് ജോബി ജോർജ്ജ് പ്രസംഗത്തിനിടെ പറഞ്ഞു. ഞാൻ പറയുന്നത് കേൾക്കുമ്പോൾ വിഷമം തോന്നരുത്. വൈശാഖിന് അറിവില്ലാത്തതുകൊണ്ടാണോ അതോ മറന്നതാണോ എന്നറിയില്ല, മറന്നാതായിരിക്കും.
ഉണ്ണി മുകുന്ദൻ ആദ്യം അഭിനയിച്ചത് എൻറെ സിനിമയിലാണ്. സ്മരണ എപ്പോഴും നല്ലതാണ്. ഞാൻ ഈ സിനിമയിലെ ഒരു സീൻ കണ്ടപ്പോൾ കുറെ പൊട്ടിച്ചിരിച്ചു. ഇത് നമ്മൾ തീയേറ്ററിലിറക്കുമെന്ന് ഞാനന്ന് വിഷ്ണുവിനോട് പറഞ്ഞതാണ്. അമ്പതോ നൂറോ കോടി കിട്ടുമോ എന്നൊന്നും അറിയില്ലായിരുന്നു. ഇതിൽ ജനങ്ങളോടാണ് നന്ദി പറയേണ്ടത്. മഹാമാരിക്കിടയിലും തീയേറ്ററിലേക്ക് ആളുകൾ വന്നു. മല്ലു സിംഗാണ് ആകേണ്ടതെന്ന് പറഞ്ഞപ്പോൾ അയ്യോ ഞാനോ എന്നാന്ന് ഉണ്ണി ചോദിച്ചത്.
ഉണ്ണി നല്ലൊരു ഫൈറ്റർ കൂടിയാണ്. തോറ്റുപിന്മാറാതെ അതിനുവേണ്ടി പ്രയത്നിക്കാനുമുള്ള മനസ്സാണ് ഉണ്ണിയുടെ മികവ്, വൈശാഖ് പറയുകയുണ്ടായി. മല്ലു സിംഗിൻറെ സ്ക്രിപ്റ്റ് വായിച്ച ശേഷം ഏത് ക്യാരക്ടറാണ് ഞാൻ ചെയ്യേണ്ടതെന്ന് ഉണ്ണി ചോദിച്ച ദിവസം ഇപ്പോഴും ഓർക്കുന്നു. എൻറെ സ്വന്തം സിനിമയുടെ സംവിധായകൻറെ കാല് പിടിച്ചു 15 മിനിറ്റ് കട്ട് ചെയ്യാൻ ഞാൻ പറഞ്ഞിരുന്നു, അവൻ കേട്ടില്ല. വിഷ്ണു മോഹൻ അഭിമാനമാണ്. ഞാൻ അടുത്ത സിനിമയ്ക്ക് അഡ്വാൻസ് തരാമെന്നും വിഷ്ണുവിനോട് പറഞ്ഞിട്ടുണ്ട്, ജോബി പറഞ്ഞു. രണ്ട് മണിക്കൂറിൽ ഒരു സെക്കൻറ് പോലും ലാഗ് അനുഭവപ്പെട്ടില്ല.