వరుసగా స్టార్ హీరోలని లైన్లో పెట్టిన కొరటాల!
ఫస్ట్ సినిమా "మిర్చి" తోనే బ్లాక్ బస్టర్ హిట్ కొట్టిన కొరటాల శివ ఆ సినిమా బ్లాక్ బస్టర్ హిట్ కావడంతో స్టార్ హీరోలనే టార్గెట్ గా పెట్టుకుని ఏడాదికి ఇంకా రెండేళ్లకో సినిమా చేస్తూ వస్తున్నారు. మిర్చి సినిమా తరువాత రెండేళ్లు `శ్రీమంతుడు` సినిమా చేశారు. ఆ తరువాత ఏడాదికి యంగ్ టైగర్ ఎన్టీఆర్ తో `జనతా గ్యారేజ్` సినిమా తెరకెక్కించారు.ఈ సినిమా తరువాత మరో ఏడాది తరువాతే ఆయన తెరకెక్కించిన `భరత్ అనే నేను` సినిమా ప్రేక్షకుల ముందుకొచ్చింది. ఇక దాదాపు నాలుగేళ్ల విరామం తరువాత కొరటాల నుంచి ఇప్పడు `ఆచార్య` సినిమా రాబోతోంది. ఇలా ఏడాది రెండేళ్లు ఇంకా అలాగే నాలుగేళ్లు సినిమా సినిమాకు గ్యాప తీసుకుంటున్న కొరటాల శివ ఇప్పడు తన రూటు మార్చేశారు.ఈ సినిమా తరువాత బ్యాక్ టు బ్యాక్ సినిమాలు చేయాలని ఆయన ఫిక్సయ్యారు. `ఆచార్య` సినిమా తరువాత యంగ్ టైగర్ ఎన్టీఅర్ 30వ చిత్రాన్ని తెరకెక్కించబోతున్నారు.
ఈ సినిమా జూన్ నుంచి సెట్స్ పైకి రాబోతోంది. దీని తరువాత మరో మూడు సినిమాలు చేయబోతున్నానని ఇటీవల `ఆచార్య` సినిమా ప్రమోషన్ లలో భాగంగా వెల్లడించారు. తన ఫేవరేట్ హీరో సూపర్ స్టార్ మహేష్ బాబు తో కూడా మరోసారి ఓ సినిమా చేయబోతున్నారట. దీనికి సంబంధించిన బేసిక్ లైన్ కూడా ఓకే అయిందని చెప్పారు. అంతే కాకుండా రామ్ చరణ్ తోనూ ఓ సినిమా చేయబోతున్నారట.ప్రస్తుతం చర్చలు కూడా జరుగుతున్నాయని దీనికి సంబంధించిన ప్రకటన సరైన సమయంలో వుంటుందన్నారు. అంతే కాకుండా అల్లు అర్జున్ తో కూడా గతంలో ఓ ప్రాజెక్ట్ ని ప్రకటించారు. అది డేట్స్ ని బట్టి ఎప్పుడు వుంటుందో కూడా చెబుతానన్నారు. ఇలా నాలుగేళ్ల విరామం తరువాత దర్శకుడు కొరటాల శివ తన రూటు మార్చేసి బ్యాక్ టు బ్యాక్ మూడు ప్రాజెక్ట్ లు చేయబోతుండటం విశేషం.