ప్రత్యేక దృష్టితో ప్రభాస్ ప్రాజెక్ట్ కే..!!
ప్రభాస్ హీరోగా నటిస్తున్న ప్రాజెక్టు కే చిత్రం యొక్క పనులు ఇప్పుడు శరవేగంగా జరుగుతున్నాయి. ఆయన హీరోగా నటించిన రాధే శ్యామ్ చిత్రం నిరాశపరిచిన కూడా త్వరలోనే రాబోతున్న సలార్ సినిమా తప్పకుండా అభిమానుల అంచనాలను అందుకుంటుంది అని భావిస్తున్నారు. అంచనాలకు ఏ మాత్రం తగ్గకుండా ఈ సినిమాను తెరకెక్కించాడు అంటున్నారు ప్రశాంత్ నీల్. ఆ తర్వాత ఆదిపురుష్ చిత్రాన్ని విడుదల చేయబోతున్నాడు. ఇదే సమయంలో నాగ్ అశ్విన్ దర్శకత్వం లో రూపొందుతున్న ఈ ప్రాజెక్టు కే సినిమాను కూడా ఎంతో బాగా చేయాలని ప్రభాస్ భావిస్తున్నాడు.
ఈ సినిమా కోసం ప్రేక్షకులు అందరూ కూడా ఎంతో ఆసక్తిగా ఎదురు చూస్తున్నారు. ఈ నేపథ్యంలో మరో ఏడాది పాటు సినిమా కోసం ఎదురు చూడవలసి ఉంది అని తెలుస్తుంది. పాన్ వరల్డ్ సినిమా గా రాబోతున్న ఈ చిత్రం లో ఎన్నో సర్ప్రైజింగ్ ఎలిమెంట్స్ ఉన్నాయని అంటున్నారు. మొన్నటి దాకా ప్రభాస్ విదేశాలకు వెళ్లడం తో షూటింగ్ లో ఆలస్యంగా జాయిన్ అయ్యాడు. రామోజీ ఫిలిం సిటీలో వేసిన భారీ సెట్టింగ్ మధ్య ఈ సినిమా షూటింగ్ ను నిర్వహిస్తున్నారు.
ఏదైతేనేం ఈ సినిమాతో ప్రభాస్ రేంజ్ ప్రపంచవ్యాప్తంగా పెరిగి పోవడం ఖాయం అని అంటున్నారు. టైం ట్రావెల్ కథతో ఈ సినిమా తెరకెక్కుతోంది అని అంటున్నారు. మంచి విజువల్ వండర్ గా ఈ చిత్రాన్ని తెరకెక్కిస్తున్నారు. హాలీవుడ్ టెక్నీషియన్స్ ఈ సినిమా కోసం పని చేస్తున్నారు. ప్రాజెక్టు కే సినిమా విడుదల తేదీ విషయంలో త్వరలోనే క్లారిటీ అవకాశం ఉంది. దీపికా పదుకునే హీరోయిన్ గా నటిస్తున్న ఈ సినిమా ప్రపంచవ్యాప్తంగా గుర్తింపు దక్కించుకోవాలని ప్రభాస్ ప్రయత్నాలు చేస్తున్నాడు. ఇక ఈ చిత్రం తర్వాత సందీప్ రెడ్డి వంగా దర్శకత్వంలో స్పిరిట్ అనే మరో ఆసక్తికరమైన కూడా చేస్తున్నాడు ప్రభాస్.