ప్రభాస్ తో జతకట్టనున్న ఆ బాలీవుడ్ హాట్ బ్యూటీ...!!
ఇటీవలే పాన్ ఇండియా సినిమా 'రాధేశ్యామ్‌'తో రెబల్ స్టార్ ప్రభాస్ ప్రేక్షకుల ముందుకు వచ్చిన సంగతి తెలిసిందే.
రాధేశ్యామ్‌ రూపంలో భారీ ఫ్లాప్‌ను అందుకున్న ప్రభాస్.. తన తదుపరి సినిమాలపై బాగా శ్రద్ధ పెట్టాడు. ప్రస్తుతం యంగ్ రెబల్ స్టార్ చేతిలో నాలుగు సినిమాలు ఉన్నాయట. అందులో 'ప్రాజెక్ట్-కే' ఒకటి. మహానటితో బ్లాక్ బాస్టర్ హిట్ అందుకున్న డైరెక్టర్ నాగ్‌ అశ్విన్‌.. ఈ సినిమాకు దర్శకత్వం చేస్తున్నారు.. సైన్స్‌ ఫిక్షన్‌ నేపథ్యంలో ప్రాజెక్ట్-కే రూపుదిద్దుకుంటోందని సమాచారం.
పాన్ ఇండియా సినిమాగా తెరకెక్కుతున్న ప్రాజెక్ట్-కే సినిమాలో బాలీవుడ్ స్టార్ దీపికా పదుకొనే హీరోయిన్‌గా నటిస్తుండగా.. బిగ్ బీ అమితాబ్‌ బచ్చన్‌ కీలక పాత్రలో కనిపించనున్న విషయం తెలిసిందే. తాజాగా ఈ సినిమాలో మరో బాలీవుడ్ భామ దిశా పటానీ కూడా భాగమయ్యారట.. ప్రాజెక్ట్-కేలో దిశా ముఖ్య పాత్ర పోషించనున్నారని సమాచారం.. 'ప్రాజెక్ట్ కే'లోకి స్వాగతం పలుకుతూ చిత్ర నిర్మాణ సంస్థ వైజయంతి మూవీస్.. దిశా పటానీకి ఓ పుష్పగుచ్ఛాన్ని పంపించిందట.. ఈ విషయాన్ని దిశా ఇన్‌స్టాగ్రామ్‌లో పోస్ట్ చేశారు.
'భారీ ప్రాజెక్ట్‌లో భాగం కావడం చాలా సంతోషంగా ఉందట.. ప్రభాస్ సినిమాలో నటించడం చెప్పలేని ఆనందంగా ఉంది' అని బాలీవుడ్ హీరోయిన్ దిశా పటానీ తెలిపింది.. వైజయంతి మూవీస్ బ్యానర్‌పై అశ్వినీదత్ ప్రాజెక్ట్-కే సినిమాను రూపొందిస్తున్నారట.. దాదాపు 500కోట్ల భారీ బడ్జెట్‌తో ఈ సినిమా తెరకెక్కబోతోంది. ప్రస్తుతం షూటింగ్ జరుపుకుంటున్న ఈ సినిమా.. వచ్చే ఏడాది ద్వితియార్థంలో విడుదల కానునట్లు సమాచారం..
దిశా పటానీ తెలుగు ప్రేక్షకులకు కూడా సుపరిచితురాలే. మెగా హీరో వరుణ్ తేజ్ నటించిన 'లోఫర్‌' సినిమాలో దిశా నటించిన విషయం తెలిసిందే.. ఆపై బాలీవుడ్ వెళ్లి అక్కడే సెటిల్ అయ్యారట.. ఎంఎస్ ధోనీ, బాగీ-2, బాగీ-3 సినిమాలతో ఈ అమ్మడి క్రేజ్ విపరీతంగా పెరిగిపోయింది.. ప్రస్తుతం దిశా చేతి నిండా ప్రాజెక్ట్‌లతో తీరిక లేకుండా ఉన్నారట.. ఆమె నటించిన ఏక్ విలన్ రిటర్న్స్, యోదా చిత్రాలు విడుదలకు సిద్ధంగా ఉన్నాయట.