హైదరాబాద్ లో అడ్వాన్స్ బుకింగ్స్ తోనే అదరగొడుతున్న 'సర్కారు వారి పాట' మూవీ..!
ప్రస్తుతం రెండు తెలుగు రాష్ట్రాలలో ఎక్కడ చూసినా సర్కారు వారి పాట మూవీ మేనియా స్పష్టంగా కనబడుతుంది. సూపర్ స్టార్ మహేష్ బాబు 'సరిలేరు నీకెవ్వరు' లాంటి బ్లాక్ బస్టర్ సినిమా తర్వాత ఈ సినిమాలో నటిస్తూ ఉండటంతో ప్రేక్షకులు ఈ సినిమాపై మంచి అంచనాలు పెట్టుకున్నారు. అలాగే గీత గోవిందం లాంటి బ్లాక్ బస్టర్ విజయం తర్వాత పరశురామ్ దర్శకత్వం వహిస్తున్న సినిమా కావడంతో సర్కారు వారి పాట సినిమాపై ప్రేక్షకుల్లో అంచనాలు మరింతగా పెరిగిపోయాయి. ఈ సినిమాలో సూపర్ స్టార్ మహేష్ బాబు సరసన మహానటి కీర్తి సురేష్ కథానాయికగా నటిస్తోంది.
ఇప్పటికే ఈ సినిమా నుండి చిత్ర బృందం కొన్ని సాంగ్స్ ని , టీజర్ ని , ట్రైలర్ ని విడుదల చేయగా వీటికి ప్రేక్షకుల నుండి అదిరిపోయే రెస్పాన్స్ వస్తోంది. ఇది ఇలా ఉంటే ప్రేక్షకుల్లో భారీ అంచనాలు కలిగి ఉన్న సర్కారు వారి పాట సినిమా మే 12 వ తేదీన ప్రపంచ వ్యాప్తంగా గ్రాండ్ గా విడుదల కావడానికి సిద్ధంగా ఉంది. ఇది ఇలా ఉంటే ఈ సినిమా విడుదల తేది దగ్గర పడటంతో తాజాగా ఈ మూవీ అడ్వాన్స్ టికెట్ బుకింగ్స్ ని ప్రారంభించారు. ఇప్పటికే ఈ సినిమాపై మంచి అంచనాలు ఉండటంతో ఈ మూవీ అడ్వాన్స్ టికెట్ బుకింగ్ ఓ రేంజ్ లో జరుగుతున్నాయి.
అందులో భాగంగా హైదరాబాద్ సిటీ లో ఈ సినిమా అడ్వాన్స్ టికెట్ బుకింగ్ లు అదిరిపోయే రేంజ్ లో జరుగుతున్నట్లు తెలుస్తుంది. ఇప్పటి వరకు అడ్వాన్స్ బుకింగ్స్ తోనే సర్కారు వారి పాట సినిమా హైదరాబాద్ లో 6 కోట్లకు పైగా కలెక్షన్ లు వసూలు చేసినట్లు తెలుస్తోంది. ఇది ఆర్ ఆర్ ఆర్ సినిమా తర్వాత బెస్ట్ అడ్వాన్స్ బుకింగ్ గా తెలుస్తుంది. మరి ఈ సినిమా బాక్సాఫీస్ దగ్గర ఎలాంటి విజయాన్ని అందుకుంటుందో చూడాలి.