ఆ మూవీలో రవితేజని చూసి గర్వపడ్డా : కోట శ్రీనివాసరావు
టాలీవుడ్ ఇండస్ట్రీలో బ్యాగ్రౌండ్ లేకుండా ఎదిగిన హీరోగా మాస్ మహారాజా రవితేజకు మంచి గుర్తింపు ఉంది. రవితేజ ఈ స్థాయికి చేరుకోవడానికి అతను పడిన కష్టం అసలు అంతా ఇంతా కాదు.ఇక ప్రముఖ నటుడు కోట శ్రీనివాసరావు రవితేజ గురించి మాట్లాడుతూ ఆసక్తికర విషయాలను వెల్లడించారు. కోట శ్రీనివాసరావు ఒక ఇంటర్వ్యూలో మాట్లాడుతూ డైరెక్టర్ గా రాఘవేంద్ర రావు అంటే ఏ విధంగా ఇష్టమో ఇంకా అలాగే రవితేజను కూడా అదే విధంగా ఇష్టపడతానని ఆయన అన్నారు.జెన్యూన్ గా కష్టపడే హీరోలలో రవితేజ కూడా ఒకరని కోట శ్రీనివాసరావు వెల్లడించారు. రవితేజకు అతని సామర్థ్యం గురించి చాలా బాగా తెలుసని కథలను సరిగ్గా జడ్జ్ చేసే హీరోలలో రవితేజ ఒకరని కోట శ్రీనివాసరావు కామెంట్లు చేశారు. ఇక ఇడియట్ సినిమాలో నేను పోలీస్ ఆఫీసర్ గా రవితేజ నా కొడుకు రోల్ లో నటించాడని కోట శ్రీనివాసరావు వెల్లడించారు. ఇక ఆ సినిమాలో నీకు సిగ్గు కూడా ఉందా అని రవితేజను తిడతానని కోట శ్రీనివాసరావు చెప్పుకొచ్చారు.మధ్యతరగతి తండ్రి గురించి ప్రతిబింబించే విధంగా ఆ సీన్ ఉంటుందని దానిపై కోట శ్రీనివాసరావు కామెంట్లు చేశారు.
ప్రతి ఇంట్లో కూడా అలాంటి సీన్లు జరుగుతాయని కొడుకును తల్లి వెనకేసుకొని వస్తుందని కోట శ్రీనివాసరావు కామెంట్లు చేశారు. ఇంకా రవితేజను నటుడిగా చూసి చాలా గర్వపడిన సినిమా అది అని కోట శ్రీనివాసరావు చెప్పుకొచ్చారు. ఇంకా ఇడియట్ మూవీలో సెంటిమెంట్ సీన్లు కూడా చాలా బాగుంటాయని కోట శ్రీనివాసరావు వెల్లడించారు. ఇంకా అలాగే ఇడియట్ సినిమాలోని ప్రతి సన్నివేశంలో కూడా రవితేజ చాలా న్యాచురల్ గా నటించాడని రవితేజ స్నేహితులను కొట్టే సీన్ ఇంకా రవితేజ ఫ్రెండ్స్ ను చెంబుతో కొట్టే సీన్ ప్రేక్షకులను థియేటర్లకు రప్పించాయని కోట కామెంట్లు చేశారు. ఇడియట్ సినిమాలోని ఈ సీన్లు ఎంతో బాగుంటాయని ఆయన తెలిపారు. కోట చేసిన ఈ కామెంట్లు నెట్టింట వైరల్ అవుతున్నాయి.