ఆచార్య: మరో కోలుకోలేని దెబ్బ?
ఆచార్య సినిమా వల్ల చాలా మంది బయ్యర్లు ఇంకా డిస్ట్రిబ్యూటర్లు నష్టపోయారు. కొరటాల శివ తనకు తెలిసి డిస్ట్రిబ్యూటర్లలో కొంత మందికి సహాయం చేశారని ప్రచారం జరిగిన నేపథ్యంలో డిస్ట్రిబ్యూటర్లు అందరూ కలిసి కొరటాల ఆఫీసుకు వచ్చి కూర్చోవడంతో ఒక పక్క నిరంజన్ రెడ్డితో మరొక మెగాస్టార్ చిరంజీవి వంటి వారితో మాట్లాడించి ఆ ఇష్యుని కొంతవరకు సెటిల్ చేయడంలో కొరటాల శివ సక్సెస్ అయ్యారు.అయితే ఆచార్య సినిమాకు రావాల్సిన బకాయిలు కూడా కొన్ని ఉన్నాయి. వాటిని తీసుకుని డిస్ట్రిబ్యూటర్లకు కొంత మేర సెటిల్మెంట్ చేయవచ్చని కూడా భావించారు. అలాంటి బాకీలలో శాటిలైట్ రైట్స్ కూడా ఒకటని చెప్పాలి.ఇక ఆచార్య సినిమా శాటిలైట్ రైట్స్ జెమినీ టీవీ కొనుక్కుంది. ఏకంగా 15 కోట్ల రూపాయల మేర ఖర్చు చేసి మరీ సినిమా విడుదలకు ముందే ఈ హక్కులు కొన్నట్టు అప్పట్లో ప్రచారం జరిగింది. ఈ సినిమాకు కొంతమేర అడ్వాన్స్ ఇచ్చి బ్లాక్ కూడా చేసుకున్నారని పూర్తిస్థాయిలో డబ్బులు మాత్రం ఇవ్వలేదని అంటున్నారు. ఆ డబ్బులు కనుక వస్తే ఇప్పుడు కొంత వాటితో డిస్ట్రిబ్యూటర్లకు డబ్బులు చెల్లించి సైడ్ అవ్వాలి అనుకున్నారు.కానీ ఇక ఇప్పుడు ఆ డబ్బులు కూడా రావడం కష్టమే అని అంటున్నారు. ఇప్పుడు 15 కోట్ల రూపాయలలో మిగిలిన డబ్బులు ఇవ్వడానికి జెమినీ టీవి వెనకడుగు వేస్తున్నట్లు సమాచారం. ఎందుకంటే ఆచార్య సినిమా భారీ డిజాస్టర్ గా నిలిచిన నేపధ్యంలో ఒకవేళ టీవీలో వేయాలన్నా కూడా వారికి యాడ్స్ దొరకవు.
ఇంకా యాడ్స్ లేకుండా సినిమా వేయడం కూడా అనవసరం అని వాళ్ళు భావిస్తున్నారట. అందుకే ఇప్పుడు గతంలో ఉన్న అగ్రిమెంట్లను బూచిగా చూపి తప్పుకోవడానికి ప్రయత్నిస్తున్నట్లు సమాచారం తెలుస్తుంది. ఎందుకంటే ఈ సినిమా జెమినీకి అమ్ముతున్న సమయంలో సినిమాలో కాజల్ అగర్వాల్ కూడా ఉన్నట్లుగా కొరటాల శివ అండ్ టీం అప్పుడు వెల్లడించింది.కానీ సినిమాలో అసలు కొరటాల కాజల్ అగర్వాల్ క్యారెక్టర్ మొత్తాన్ని తీసివేయడంతో అగ్రిమెంట్ తప్పారు కాబట్టి అసలు మీ సినిమా మాకు వద్దు, మేము తీసుకోము అని అడ్డం తిరిగిందట జెమినీ టీవీ యాజమాన్యం. లేదా అనుకున్న డీల్ ని సగానికి సగం తగ్గించి అంటే ఏడున్నర కోట్ల రూపాయలకి అయితే మేము సినిమాని తీసుకుంటామని చెబుతోందట. సినిమాని వెనక్కి తీసుకుంటే జెమినీ టీవి నుంచి తీసుకున్న అడ్వాన్స్ కూడా వాళ్ళకి ఇచ్చేయాల్సి ఉంటుంది. లేదా సగానికి సర్దుకుపోవాలి అనుకుంటే టోటల్ గా ఏడున్నర కోట్ల రూపాయలు నష్టపోవాల్సి ఉంటుంది. ఇది పెద్ద దెబ్బే అని టాలీవుడ్ వర్గాల్లో పెద్ద ఎత్తున చర్చ అనేది జరుగుతోంది.