పవర్ స్టార్: డైరెక్టర్లని ఇబ్బందిపెడుతున్నాడుగా?
ఇక ఓ సామెత ప్రకారం ఒకేసారి రెండు పడవల ప్రయాణం చేయడం అంటే అసలు మాటల్లో చెప్పుకున్నంత సులభంగా ఉండదు. ఉదాహరణకు ఎన్టీఆర్ తెలుగుదేశం పార్టీ స్థాపించాలని నిర్ణయం తీసుకున్నప్పుడు బొబ్బిలి పులి ఇంకా మన దేశం సినిమాలు పూర్తి చేసి సినిమాలకు స్వస్తి చెప్పారు.అలాగే ప్రచారం కోసం రేయి పగలు తేడా అనేది లేకుండా తిరిగి అధికారంలోకి వచ్చారు. తిరిగి ఎనిమిదేళ్ల తర్వాత కానీ మేకప్ వేసుకునే తీరిక ఆయనకీ దొరకలేదు. ఇంకా మెగాస్టార్ చిరంజీవి ప్రజారాజ్యం పెట్టినప్పుడు శంకర్ దాదా జిందాబాద్ తో సెలవు తీసుకుని ఏళ్ళ తరబడి పొలిటికల్ జర్నీ కూడా చేశారు.అది వర్కౌట్ కాదని తెలిశాక బయటికి వచ్చి ఇప్పుడు వరస ప్రాజెక్టులతో ఫుల్ బిజీగా ఉన్నారు. ఇంకా ఇలా ఎన్నో ఉదాహరణలు ఉన్నాయి. కానీ పవర్ స్టార్ పవన్ కళ్యాణ్ వ్యవహారం మాత్రం వేరేలా ఉంది.ఒకపక్క హరిహర వీరమల్లు సినిమా ఆపేశారు. దర్శకుడు క్రిష్ తో ఏవో విబేధాలన్నారు అవి నిజమా కాదా అనేది ఇంకా బయటికి చెప్పలేదు. ఆయనేమో వెబ్ సిరీస్ లతో ఫుల్ బిజీ అయిపోతున్నాడు. ఈ సినిమా కోసం జుట్టు పెంచుకున్న పవన్ కళ్యాణ్ ఇటీవలే మళ్ళీ నార్మల్ హెయిర్ స్టైల్ కి వచ్చారు. ఇది వినోదయ సితం రీమేక్ కోసమనే ప్రచారం కూడా ఉంది. హరీష్ శంకర్ తో చేయాల్సిన భవదీయుడు భగత్ సింగ్ సినిమా ఎలాంటి సౌండ్ చేయడం లేదు. ఆయన కూడా విసుగొచ్చి ఇది సెట్ అయ్యేలోపు వేరొకరితో కొత్త కథతో సినిమా తీసే ప్లానింగ్ లో ఉన్నాడు.
ఈ గ్యాప్ లోనే రెండు వెబ్ సిరీస్ లు ఇంకా ఒక సునీల్ మూవీకి సంబంధించిన స్క్రిప్ట్ లను పూర్తి చేశాడు హరీష్ శంకర్.కేవలం క్లారిటీ లేకపోవడం వల్లే ఇదంతా.ఇక ఎన్నికలు ఇంకో రెండేళ్ల లోపే వస్తాయి. జనసేన పార్టీ కోసం తిరగాలనుకున్నప్పుడు ఇప్పుడీ సినిమాల వ్యవహారం పూర్తి చేస్తే దర్శకులకు నిర్మాతలకు టెన్షన్ అనేది ఉండదు. అలా కాకుండా ఉన్నట్టుండి బ్రేకులు వేయడం వల్ల మానసికంగా ఆర్థికంగా జరిగే నష్టం చాలా ఎక్కువ అవుతుంది. పవన్ కళ్యాణ్ ఆ కోణంలో ఆలోచిస్తున్నాడో లేదో కూడా తెలియదు. ఇక అఖిల్ తో ఏజెంట్ చేస్తున్న సురేందర్ రెడ్డికి సైతం పవన్ కళ్యాణ్ ఒక కమిట్ మెంట్ ఇచ్చాడు. ఇప్పుడున్న పరిస్థితులు చూస్తే అది జరిగే నమ్మకం కూడా మెల్లగా సన్నగిల్లుతుంది. 2024 వ సంవత్సరంలో తిరిగి ఎలక్షన్స్ రిజల్ట్ వచ్చాక కానీ మళ్ళీ సినిమా కెరీర్ గాడిన పడేలా లేదు. ఈ ఏడాది మాత్రం అభిమానులు ఒక్క భీమ్లా నాయక్ సినిమాతోనే సర్దుకోక తప్పదు