టాలీవుడ్ రికార్డులకి వణుకుతున్న బాలీవుడ్!
యంగ్ రెబల్ స్టార్ ప్రభాస్ హీరోగా రాజమౌళి డైరెక్షన్ లో తెరకెక్కిన బాహుబలి2 సినిమా ఇండియన్ బాక్సాఫీస్ వద్ద సంచలన విజయాన్ని సొంతం చేసుకున్న సంగతి తెలిసిందే. ఈ సినిమా అన్ని భాషలలో కంటే హిందీలో రికార్డు స్థాయిలో కలెక్షన్లను సాధించగా ఆ కలెక్షన్లను బ్రేక్ చేయడం హిందీ సినిమాలకు చాలా కష్టమవుతోంది.ఇక బాలీవుడ్ లో చాలా సినిమాలు భారీ బడ్జెట్ తో తెరకెక్కుతున్నాయి. కొన్ని సినిమాలు హిస్టారికల్ ఇంకా మైథలాజికల్ బ్యాక్ డ్రాప్ లో కూడా తెరకెక్కుతున్నాయి. అయితే వేర్వేరు బ్యాక్ డ్రాప్ లలో తెరకెక్కుతున్నా ఈ సినిమాలు అభిమానుల అంచనాలను అందుకోవడంలో మాత్రం చాలా ఘోరంగా ఫెయిలవుతుండటం గమనార్హం. తాజాగా షంషేరా మూవీ విడుదలైన సంగతి తెలిసిందే. ఈ సినిమా ఫస్ట్ డే కలెక్షన్ల విషయంలో బాహుబలి2 సాధించిన రికార్డులను బ్రేక్ చేస్తుందని బాలీవుడ్ ఫ్యాన్స్ భావించగా అందుకు భిన్నంగా జరిగింది. ఈ షంషేరా సినిమాలో రణబీర్ కపూర్ హీరోగా నటించారు. బాహుబలి2 సినిమా ఐదేళ్ల క్రితం సాధించిన తొలిరోజు కలెక్షన్లతో పోల్చి చూస్తే షంషేరా కలెక్షన్లు చాలా తక్కువ మొత్తంగా ఉండటం గమనార్హం.
షంషేరా సినిమా కమర్షియల్ మాస్ మసాలా మూవీ అయినా భారీస్థాయిలో కలెక్షన్లను సాధించకపోవడంతో ట్రేడ్ విశ్లేషకులు సైతం పెద్ద షాక్ కు గురవుతున్నారు. బాలీవుడ్ సినిమాలు పాజిటివ్ టాక్ ను సొంతం చేసుకున్నా కూడా గతంలోలా కలెక్షన్లను మాత్రం సాధించడం లేదు. బాహుబలి2 సినిమా ఫుల్ రన్ లో హిందీలో సాధించిన కలెక్షన్లను బీట్ చేయడం ప్రస్తుతం విడుదలవుతున్న హిందీ సినిమాలకు చాలా కష్టమేనని కామెంట్లు వ్యక్తమవుతున్నాయి.ఎస్ ఎస్ రాజమౌళి విజన్ వల్లే ఆయన సినిమాలు బాక్సాఫీస్ వద్ద అంచనాలను మించి విజయం సాధిస్తున్నాయని ఆయన అభిమానులు కామెంట్లు చేస్తున్నారు. రీసెంట్ గా వచ్చిన ఆర్ఆర్ఆర్ సినిమా కూడా బాక్సాఫీస్ వద్ద భారీ రికార్డులు క్రియేట్ చేసిన సంగతి తెలిసిందే. రాజమౌళి తర్వాత ప్రాజెక్ట్ లు కూడా భారీ బడ్జెట్ తో తెరకెక్కుతుండగా ఈ ప్రాజెక్ట్ లు ఎలాంటి ఫలితాలను అందుకుంటాయో ఇక చూడాల్సి ఉంది.