కోబ్రా: 3వ రోజు వసూళ్లు చాలా డౌన్?
తమిళ తెలుగు భాషల్లో గుర్తింపు తెచ్చుకున్న తమిళ స్టార్ హీరో చియాన్ విక్రమ్ హీరోగా 'డిమోటీ కాలనీ' 'అంజలి సి.బి.ఐ' వంటి వైవిధ్యమైన చిత్రాలతో ప్రేక్షకులను అలరించిన దర్శకుడు ఆర్.అజయ్ జ్ఞానముత్తు తెరకెక్కించిన భారీ బడ్జెట్ చిత్రం 'కోబ్రా'.మంచి యాక్షన్ థ్రిల్లర్ గా తెరకెక్కిన ఈ చిత్రం ఆగస్టు 31న ప్రేక్షకుల ముందుకు వచ్చింది. 'సెవెన్ స్క్రీన్ స్టూడియోస్' బ్యానర్ పై ఎస్.ఎస్.లలిత్ కుమార్ నిర్మించిన ఈ చిత్రాన్ని తెలుగులో ఎన్వీ ప్రసాద్ 'ఎన్వీఆర్ సినిమా' ద్వారా విడుదల చేశారు. 'కె.జి.ఎఫ్'(సిరీస్) హీరోయిన్ శ్రీనిధి శెట్టి ఈ చిత్రంలో హీరోయిన్ గా నటించింది.ఇండియాస్ టాప్ మ్యూజిక్ డైరెక్టర్ ఆస్కార్ అవార్డు గ్రహీత ఏ.ఆర్.రెహమాన్ ఈ చిత్రానికి సంగీతం అందించడంతో సినిమాకి మంచి బజ్ ఏర్పడింది. టీజర్, ట్రైలర్ కూడా ఆకట్టుకునే విధంగా ఉండటంతో 'కోబ్రా' పై అంచనాలు పెరిగాయి.కానీ మొదటి రోజు ఈ చిత్రానికి మిక్స్డ్ టాక్ వచ్చింది. అయినప్పటికీ మొదటి రోజు మంచి కలెక్షన్లు రాబట్టి భారీ ఓపెనింగ్స్ రాబట్టింది.కానీ రెండో రోజు నుండి అమాంతం తగ్గిపోయాయి.
ఒకసారి ఈ సినిమా 3 డేస్ కలెక్షన్స్ ని గమనిస్తే..కోబ్రా చిత్రానికి తెలుగు రాష్ట్రాల్లో మొత్తం రూ.4.27 కోట్ల థియేట్రికల్ బిజినెస్ జరిగింది. ఈ చిత్రం బ్రేక్ ఈవెన్ కావాలి అంటే ఖచ్చితంగా రూ.4.5 కోట్ల వరకు షేర్ ను రాబట్టాల్సి ఉంది.కానీ 3 రోజులు పూర్తయ్యేసరికి ఈ చిత్రం రూ.3.03 కోట్ల షేర్ ను రాబట్టింది. బ్రేక్ ఈవెన్ కు ఈ మూవీ ఇంకా రూ.1.47 కోట్ల షేర్ ను రాబట్టాల్సి ఉంది.మొదటి రోజున చాలా బాగా కలెక్ట్ చేసిన ఈ మూవీ రెండో రోజు నుంచి బాగా డౌన్ అయిపోయింది. మూడో రోజు కూడా ఈ సినిమాకి కోలుకోలేని దెబ్బ పడింది అనే చెప్పాలి. అయితే ఈస్ట్ ఇంకా వెస్ట్ వంటి ఏరియాల్లో ఈ మూవీ బ్రేక్ ఈవెన్ సాధించింది. ఓపెనింగ్స్ బాగా వచ్చిన ఇప్పటికైతే బ్రేక్ ఈవెన్ అయ్యే ఛాన్స్ లు కనిపించడం లేదు. మరి వీకెండ్ ముగిసేసరికి ఈ సినిమా ఎంత కలెక్ట్ చేస్తుందో ఎంత లాభం తెస్తుందో చూడాలి.