రామ్ చరణ్... గౌతమ్ తిన్ననూరి మూవీ ఆగిపోయిందా..?
మెగా పవర్ స్టార్ రామ్ చరణ్ గురించి ప్రత్యేకంగా సినీ ప్రేమికులకు పరిచయం చేయాల్సిన అవసరం లేదు. ఇప్పటికే ఎన్నో విజయవంతమైన మూవీ లలో హీరోగా నటించి తెలుగు సినిమా ఇండస్ట్రీ లో స్టార్ హీరోలలో ఒకరిగా కొనసాగుతున్న రామ్ చరణ్ ఈ సంవత్సరం మార్చ్ 25 వ తేదీన విడుదల అయిన ఆర్ ఆర్ ఆర్ మూవీ తో అద్భుతమైన విజయాన్ని బాక్సా ఫీస్ దగ్గర సొంతం చేసుకుని ప్రపంచ వ్యాప్తంగా గుర్తింపు దక్కించుకున్నాడు.
ఈ మూవీ లో యంగ్ టైగర్ జూనియర్ ఎన్టీఆర్ కూడా ఒక హీరోగా నటించగా , దర్శక ధీరుడు రాజమౌళి ఈ మూవీ కి దర్శకత్వం వహించాడు. ఇలా ఉంటే ప్రస్తుతం రామ్ చరణ్ శంకర్ దర్శకత్వంలో తెరకెక్కుతున్న మూవీ లో హీరోగా నటిస్తున్నాడు. ఈ మూవీ లో కీయారా అద్వానీ హీరోయిన్ గా నటిస్తూ ఉండగా , సునీల్ , అంజలి ఈ మూవీ లో ఇతర ముఖ్య పాత్రలలో కనిపించబోతున్నారు. దిల్ రాజు ఈ మూవీ ని భారీ బడ్జెట్ తో నిర్మిస్తున్నాడు. ప్రస్తుతం ఈ మూవీ షూటింగ్ శర వేగంగా జరుగుతుంది.
ఇది ఇలా ఉంటే చాలా రోజుల క్రితమే మెగా పవర్ స్టార్ రామ్ , చరణ్ గౌతమ్ తిన్ననూరి దర్శకత్వంలో తేరకెక్కబోయే మూవీ లో నటించబోతున్నట్లు అధికారికంగా ప్రకటించాడు. రామ్ చరణ్ , గౌతమ్ తిన్ననూరి కాంబినేషన్ మూవీ ప్రస్తుతం రామ్ చరణ్ , శంకర్ కాంబినేషన్ లో తెరకెక్కుతున్న మూవీ ముగిసిన తర్వాత ప్రారంభం కాబోతున్నట్లు కూడా అనేక వార్తలు వచ్చాయి. కాకపోతే ప్రస్తుతం రామ్ చరణ్ , గౌతమ్ తిన్ననూరి కాంబినేషన్ మూవీ ఆగిపోయినట్లుగా ఒక వార్త సోషల్ మీడియాలో వైరల్ అవుతుంది. మరి ఈ వార్త ఎంత వరకు నిజమో చూడాలి.