ദുരൂഹതകളുമായി 'ക്രിസ്റ്റഫർ', പോസ്റ്റർ ഏറെ ശ്രദ്ധ നേടുന്നു!
ദുരൂഹതകളുമായി 'ക്രിസ്റ്റഫർ', പോസ്റ്റർ ഏറെ ശ്രദ്ധ നേടുന്നു! സിനിമയുടെ പുതിയ പോസ്റ്റർ പുറത്തുവന്നതോടെ സോഷ്യൽ മീഡിയ ചർച്ചയുടെ ഭാഗമാകുകയാണ് ക്രിസ്റ്റഫർ. യൂണിഫോം അണിയാതെ തന്നെ പോലീസ് ആണെന്ന് തോന്നിപ്പിക്കും വിധമാണ് മമ്മൂട്ടി പോസ്റ്ററിൽ പ്രത്യക്ഷപ്പെടുന്നത്. കയ്യിൽ തോക്കും മുഖത്ത് നിഗൂഢതയും നിറച്ചിരിക്കുന്ന പോസ്റ്ററിൽ ''For Him, Justice is an Obsession...' എന്ന് നൽകിയിരിക്കുന്നതും ശ്രദ്ധേയമാണ്. ബയോഗ്രഫി ഓഫ് എ വിജിലന്റ് കോപ്പ് എന്നാണ് ഈ ത്രില്ലർ ചിത്രത്തിന്റെ ടാഗ് ലൈൻ. നിരന്തരം പരിഷ്‌ക്കരിക്കപ്പെട്ടുകൊണ്ടിരിക്കുന്ന മമ്മൂട്ടി ബ്രില്യൺസ് വീണ്ടും സ്‌ക്രീനിൽ എത്തുന്നു. ബി. ഉണ്ണികൃഷ്ണന്റെ സംവിധാനത്തിൽ മമ്മൂട്ടിയെ നായകനാക്കി ഒരുക്കുന്ന ഏറ്റവും പുതിയ ചിത്രമാണ് 'ക്രിസ്റ്റഫർ'.
സ്‌നേഹയ്ക്കും ഐശ്വര്യ ലക്ഷ്മിക്കും ഒപ്പം അമല പോൾ വീണ്ടും മലയാളത്തിലേയ്ക്ക് എത്തുകയാണ് ക്രിസ്റ്റഫറിലൂടെ. തെന്നിന്ത്യൻ താരം വിനയ് റായ് ഒരു സുപ്രധാന വേഷത്തിൽ എത്തുന്നു എന്നതും പ്രത്യേകതയാണ്. ഷൈൻ ടോം ചാക്കോ, ദിലീഷ് പോത്തൻ, സിദ്ദിഖ്, ജിനു എബ്രഹാം, വിനീത കോശി, വാസന്തി തുടങ്ങിയവരോടൊപ്പം മുപ്പത്തിയഞ്ചോളം പുതുമുഖങ്ങളും ചിത്രത്തിലെ വിവിധ കഥാപാത്രങ്ങളെ അവതരിപ്പിക്കുന്നു. എറണാകുളം, പൂയംകുട്ടി, വണ്ടിപ്പെരിയാർ എന്നിവിടങ്ങളിലായാണ് ചിത്രീകരണം പുരോഗമിക്കുന്നത്. ആർ.ഡി. ഇല്യൂമിനേഷൻസ് ആണ് ചിത്രത്തിന്റെ നിർമ്മാണം. ഒട്ടേറെ ഹിറ്റുകളുടെ രചന നിർവ്വഹിച്ചിട്ടുള്ള ഉദയകൃഷ്ണയാണ് ചിത്രത്തിന് തിരക്കഥ ഒരുക്കിയിരിക്കുന്നത്.
മൂന്ന് നായികമാരാണ് ചിത്രത്തിൽ അണിനിരക്കുന്നത്.സംഗീതം ജസ്റ്റിൻ വർഗീസ്, എഡിറ്റിംഗ് മനോജ്, പ്രൊഡക്ഷൻ കൺട്രോളർ അരോമ മോഹൻ, കലാ സംവിധാനം ഷാജി നടുവിൽ, വസ്ത്രാലങ്കാരം പ്രവീൺ വർമ്മ, ചമയം ജിതേഷ് പൊയ്യ, ആക്ഷൻ കൊറിയോഗ്രഫി സുപ്രീം സുന്ദർ, ചീഫ് അസോസിയേറ്റ് സുജിത്ത് സുരേഷ്, പിആർഒ പി ശിവപ്രസാദ്, നിയാസ് നൗഷാദ്, മാർക്കറ്റിംഗ് ഒബ്‌സ്‌ക്യൂറ എന്റർടൈൻമെന്റ്‌സ്, സ്റ്റിൽസ് നവീൻ മുരളി, ഡിസൈൻ കോളിൻസ് ലിയോഫിൽ എന്നിവരാണ് ചിത്രത്തിലെ മറ്റ് അണിയറ പ്രവർത്തകർ.ഓപ്പറേഷൻ ജാവ ഒരുക്കിയ ഫൈസ് സിദ്ദിഖ് ആണ് ചിത്രത്തിന്റെ ഛായാഗ്രഹണം നിർവ്വഹിക്കുന്നത്.
ആർ.ഡി ഇല്യൂമിനേഷൻസ് ആണ് ചിത്രത്തിൻറെ നിർമ്മാണം. ഒട്ടേറെ ഹിറ്റുകളുടെ രചന നിർവ്വഹിച്ചിട്ടുള്ള ഉദയകൃഷ്ണയാണ് ചിത്രത്തിന് തിരക്കഥ ഒരുക്കിയിരിക്കുന്നത്. മൂന്ന് നായികമാരാണ് ചിത്രത്തിൽ. സ്നേഹ, അമല പോൾ, ഐശ്വര്യ ലക്ഷ്മി എന്നിവർ. തെന്നിന്ത്യൻ താരം വിനയ് റായ് ഒരു സുപ്രധാന വേഷത്തിൽ എത്തുന്നു എന്നതും പ്രത്യേകതയാണ്. ഷൈൻ ടോം ചാക്കോ, ദിലീഷ് പോത്തൻ, സിദ്ദിഖ്, ജിനു എബ്രഹാം, വിനീത കോശി, വാസന്തി തുടങ്ങിയവരോടൊപ്പം മുപ്പത്തിയഞ്ചോളം പുതുമുഖങ്ങളും ചിത്രത്തിലെ വിവിധ കഥാപാത്രങ്ങളെ അവതരിപ്പിക്കുന്നു. എറണാകുളം, പൂയംകുട്ടി, വണ്ടിപ്പെരിയാർ എന്നിവിടങ്ങളിലായാണ് ചിത്രീകരണം പുരോഗമിക്കുന്നത്. "നിയമം എവിടെ അവസാനിക്കുന്നുവോ, അവിടെ നീതി ആരംഭിക്കുന്നു..." എന്ന ടാഗ്‌ലൈനോടെയാണ് ചിത്രത്തിന്റെ പോസ്റ്റർ പുറത്തുവിട്ടിരിക്കുന്നത്. ക്രിസ്റ്റഫർ 'ബയോഗ്രാഫി ഓഫ് എ വിജിലന്റെ കോപ്പ് ' എന്നാണ് പോസ്റ്ററിൽ നൽകിയിരിക്കുന്ന പേര്.