ఏజెంట్: అసలేం జరుగుతుంది? ఏం జరగబోతోంది?
టాలీవుడ్ యంగ్ అండ్ హ్యాండ్సమ్ హీరో అక్కినేని అఖిల్ నటిస్తున్న లేటెస్ట్ స్పై యాక్షన్ థ్రిల్లర్ 'ఏజెంట్'. స్టైలిష్ డైరెక్టర్ సురేందర్ రెడ్డి దర్శకత్వం వహిస్తున్నారు. ఏకె ఎంటర్ టైన్ మెంట్స్ బ్యానర్ పై అనిల్ సుంకర అత్యంత భారీ బడ్జెట్ తో ఈ మూవీని నిర్మిస్తున్నారు. ఈ సినిమాతో ఎలాగైనా పాన్ ఇండియా బ్లాక్ బస్టర్ ని సొంతం చేసుకోవాలని అఖిల్ ఆశగా ఎదురుచూస్తున్నాడు. ఈ మూవీతో నెక్స్ట్ లెవెల్ హీరోల జాబితాలో చేరిపోవాలని అఖిల్ గట్టి ప్రయత్నాలే చేస్తున్నాడు. అయితే ఈ మూవీ రిలీజ్ టైమ్ ప్రధాన సమస్యగా మారినట్టు తెలుస్తోంది.ముందు ఈ మూవీని 2021 డిసెంబర్ 24న రిలీజ్ చేయాలనుకున్నారు. కరోనా కారణంగా షూటింగ్ ఆలస్యం కావడంతో 2022 ఆగస్టు 12న విడుదల చేస్తున్నట్టుగా చిత్ర బృందం ప్రకటించింది. కానీ అది జరగలేదు. ఆ తరువాత ఈ ఏడాది డిసెంబర్ లో రిలీజ్ చేయాలనుకున్నారు. కానీ ఆ డేట్ న కూడా ఈ మూవీ రావడం లేదని తెలుస్తోంది. షూటింగ్ ఆలస్యం అవుతున్న కారణంగా ఈ మూవీని సంక్రాంతికి రిలీజ్ చేయాలని చిత్ర బృందం ఫైనల్ గా నిర్ణయించినట్టుగా తెలిసింది. అయితే ఆ తేదీన కూడా అఖిల్ 'ఏజెంట్' విడుదలయ్యే అవకాశం కనిపించడం లేదు.దానికి కారణం మెగాస్టార్ సినిమా.
చిరంజీవి నటిస్తున్న 154 మూవీ సంక్రాంతి బరిలో దిగుతోంది. దీనితో పాటు తమిళ డబ్బింగ్ సినిమాలు విజయ్ 'వారసుడు' అజిత్ 'తునివు' సంక్రాంతికి వస్తున్నామంటూ దాదాపుగా ప్రకటించేశాయి. ఈ సమయంలో నిర్మాత అనిల్ సుంకర అఖిల్ సినిమాని బరిలోకి దింపే సాహసం చేయడు.. అంటే సంక్రాంతి తరువాతే రిలీజ్ చేస్తాడు. అంటే జనవరి 26న విడుదల చేసే అవకాశం వుందని తెలుస్తోంది. అయితే జనవరి 25న షారుక్ ఖాన్ 'పఠాన్' వస్తోంది. చాలా ఏళ్ల విరామం తరువాత షారుక్ నుంచి వస్తున్న సినిమా కాండంతో ఉత్తరాదితో పాటు దక్షిణాదిలోనూ ఈ మూవీపై ప్రేక్షకుల్లో భారీ అంచనాలుంటాయి.'ఏజెంట్' పాన్ ఇండియా మూవీ.. తెలుగు తమిళ కన్నడ మలయాళ భాషల్లో ఒకే కానీ ప్రధానంగా 'పఠాన్' సినిమాకి ఎదురెళితే ఈ మూవీ హిందీ మార్కెట్ దెబ్బతింటుంది. జనవరి 26న కూడా కష్టమే. ఈ నేపథ్యంలో అఖిల్ పైనే భారం వేసిన అక్కినేని అభిమానులు ఈ 'ఏజెంట్' ఎప్పుడొస్తుందో అని ఎదురుచూస్తున్నారు.