'రాజమౌళి - మహేష్' సినిమాకి విలన్ దొరికేసాడు.. ఎవరంటే..?
ఆర్ఆర్ఆర్ సినిమా తర్వాత రాజమౌళి డైరెక్షన్ లో రాబోయే సినిమా ఏంటి అని అందరూ తెగ ఆతృతగా ఎదురు చూస్తున్నారు. అయితే.. ఇక తన నెక్స్ట్ మూవీ సూపర్ స్టార్ మహేష్ బాబుతో ఉంటుందని ఇప్పటికే రాజమౌళి ప్రకటించిన విషయం తెలిసిందే.ఇకపోతే ఆ సినిమా ప్రపంచాన్ని చుట్టే ఓ యాత్రికుడి చుట్టూ తిరుగుతుందని, ఇందులో మహేశ్ బాబు ఒక ప్రపంచ యాత్రికుడిగా కనిపిస్తాడని ఒక హింట్ ఇచ్చారు రాజమౌళి. ఇక ఆ సినిమాలో హీరోయిన్ గా బాలీవుడ్ బ్యూటీ దీపికా పదుకొణెను తీసుకోనున్నట్టు తెలుస్తోంది... ఈ సినిమాలో విలన్ ఎవరు?అనే ప్రశ్న దాదాపు అందరిలోనూ స్టార్ట్ అయింది.
ఎందుకంటే ఇక రాజమౌళి సినిమాల్లో హీరోకు ఎంత ప్రాధాన్యత ఉంటుందో.. విలన్స్ కు కూడా అంతే ప్రాధాన్యత ఉంటుంది.అయితే హీరోలకు దీటుగా విలన్ రోల్స్ ను డిజైన్ చేస్తాడు జక్కన్న. ఇక అందుకే మహేశ్ మూవీలో విలన్ గా ఎవరిని తీసుకుంటాడు అని అందరూ తెగ ఎదురు చూస్తున్నారు. ఇదిలావుంటే తాజాగా వస్తున్న వార్తల ప్రకారం.. మహేశ్, రాజమౌళి సినిమాలో విలన్ ను ఫిక్స్ చేసినట్టు తెలుస్తోంది.ఇక తమిళంలో స్టార్ హీరోగా వెలుగొందుతున్న కార్తీని ఈ సినిమాకు విలన్ గా రాజమౌళి ఎంపిక చేశారట. అయితే నిజానికి.. కార్తీకి తెలుగులో ఒక స్టార్ హీరోకు ఉన్నంత క్రేజ్ ఉంది.
అయితే ఇక తమిళంలోనూ ఆయనకు ఉన్న మార్కెట్ గురించి అందరికీ తెలిసిందే.కాగా తెలుగులో ఊపిరి అనే సినిమాలో నటించి తన సత్తా ఏంటో చాటుకున్నాడు కార్తీ.. తమిళంలో డిఫరెంట్ జానర్ లో చాలా సినిమాలు చేసి తనేంటో, తన సత్తా ఏంటో నిరూపించుకున్నాడు కార్తీ. అయితే ప్రస్తుతం రాజమౌళి, మహేశ్ సినిమాలో విలన్ రోల్ కోసం కార్తీని మూవీ యూనిట్ సంప్రదించిందట.ఇక అసలే రాజమౌళి సినిమా, మరోవైపు ఆయన పాత్ర కూడా కార్తీకి బాగా నచ్చిందట. దీంతో వెంటనే ఆ సినిమాకు గ్రీన్ సిగ్నల్ ఇచ్చేశాడట కార్తీ. ఇదిలావుంటే ప్రస్తుతం మహేశ్ బాబు, త్రివిక్రమ్ సినిమాలో హీరోగా నటిస్తున్నాడు.ఇక ఆ సినిమా పూర్తయ్యాక రాజమౌళి సినిమా షూటింగ్ లో పాల్గొంటాడు..!!