അഡ്വ. മുകുന്ദൻ ഉണ്ണി അസോസിയേറ്റ്സ് ട്രെയിലർ എത്തി; ആവേശത്തിൽ ആരാധകർ!
അഡ്വ. മുകുന്ദൻ ഉണ്ണി അസോസിയേറ്റ്സ് ട്രെയിലർ എത്തി; ആവേശത്തിൽ ആരാധകർ! ചിത്രം കോമഡിയാണെന്ന് കരുതിയിരുന്നവർക്കൊക്കെ ഇപ്പോൾ പടം വല്ല ത്രില്ലറുമാണോ എന്നാണ് സംശയം. ജോയ് മൂവി പ്രൊഡക്ഷൻസിന്റെ ബാനറിൽ ഡോക്ടർ അജിത് ജോയ് ആണ് ചിത്രം നിർമ്മിക്കുന്നത്. വിമൽ ഗോപാലകൃഷ്ണനും സംവിധായകനും ചേർന്നാണ് ചിത്രത്തിന്റെ രചന. കോമഡിയാണോ ത്രില്ലർ ആണോ എന്ന് സംശയം തോന്നുന്ന തരത്തിൽ തികച്ചും വ്യത്യസ്തമായ രീതിയിലാണ് ട്രെയ്ലർ എത്തിയത്. അഡ്വക്കേറ്റ് മുകുന്ദൻ ഉണ്ണിയായി വിനീത് ശ്രീനിവാസൻ നിറഞ്ഞാടുമെന്നാണ് ട്രെയ്ലർ തരുന്ന ഏകദേശ സൂചന. വിനീത് ശ്രീനിവാസനെ നായകനാക്കി നവാഗതനായ അഭിനവ് സുന്ദർ നായക് സംവിധാനം ചെയ്യുന്ന 'മുകുന്ദൻ ഉണ്ണി അസോസിയേറ്റ്സ്' എന്ന ചിത്രത്തിന്റെ ട്രെയ്ലർ പുറത്തുവന്നതോടെ വലിയ ആശയക്കുഴപ്പത്തിലാണ് പ്രേക്ഷകർ.
''ഭൂലോക നാറികളായ ഒരുപറ്റം കലാകാരന്മാർ എന്നെ കേന്ദ്ര കഥാപാത്രമാക്കിക്കൊണ്ട് ഒരു സിനിമയെടുത്തിരിക്കുന്നു. അതും എന്റെ കോട്ടയായ കൽപ്പറ്റയിൽ ജോലിത്തിരക്കിനിടയിൽ എനിക്കിത് ശ്രദ്ധിക്കാൻ കഴിഞ്ഞില്ല. ഇപ്പോളവർ അതിന്റെ ട്രെയ്ലർ റിലീസ് ചെയ്യാൻ പോകുന്നു എന്ന് കേൾക്കുന്നു. റിലീസ് ആവട്ടെ, കാണിച്ചുകൊടുക്കാം ഞാനാരാണെന്ന്... ഞാനെന്താണെന്ന്,'' എന്നാണ് ഫേസ്ബുക്ക് പോസ്റ്റ്. അഡ്വ. മുകുന്ദൻ ഉണ്ണി, കോർപറേറ്റ് ലോയർ, എന്ന ഫേസ്ബുക്ക് പേജിലെ പോസ്റ്റുകളാണ് വൈറലാവുന്നത്.സുപ്രീം സുന്ദറും മാഫിയ ശശിയുമാണ് ചിത്രത്തിന്റെ ഫൈറ്റ് വിഎഫ്എക്‌സ്.
സൂപ്പർവൈസർ ബോബി രാജൻ, ഐറിസ് സ്റ്റുഡിയോ, ആക്‌സൽ മീഡിയ ലൈൻ പ്രൊഡ്യൂസർമാർ വിനീത് പുല്ലൂടൻ, എൽദോ ജോൺ, രോഹിത് കെ സുരേഷും വിവി ചാർലിയുമാണ് സ്റ്റിൽ, മോഷൻ ഡിസൈൻ ജോബിൻ ജോസഫ് (പെട്രോവ ഫിലിംസ്), ട്രെയിലർ അജ്മൽ സാബു. പി.ആർ.ഒ എ എസ് ദിനേശ്, ആതിര ദിൽജിത്ത്, ഡിസൈനുകൾ യെല്ലോടൂത്ത്സ് എന്നിവരാണ് ചിത്രത്തിന്റെഅണിയറ പ്രവർത്തകർ. വിനീത് ശ്രീനിവാസനൊപ്പം സുരാജ് വെഞ്ഞാറമൂട്, സുധി കോപ്പ, തൻവി റാം, ജഗദീഷ്, മണികണ്ഠൻ പട്ടാമ്പി, ബിജു സോപാനം, ജോർജ് കോര, ആർഷ ചാന്ദിനി ബൈജു, നോബിൾ ബാബു തോമസ്, അൽത്താഫ് സലിം, റിയ സൈറ, രഞ്ജിത്ത് ബാലകൃഷ്ണൻ, സുധീഷ്, വിജയൻ കാരന്തൂർ എന്നിവരാണ് പ്രധാനകഥാപാത്രങ്ങളെ അവതരിപ്പിക്കുന്നത്.
ക്യാമറ വിശ്വജിത്ത് ഒടുക്കത്തിൽ, അഭിനവ് സുന്ദർ നായകും നിധിൻ രാജ് അരോളും ചേർന്നാണ് എഡിറ്റിംഗ്. മനു മഞ്ജിത്ത്, എലിഷ എബ്രഹാം എന്നിവരുടെ വരികൾക്ക് സിബി മാത്യു അലക്‌സ് ആണ് സംഗീതം പകർന്നിരിക്കുന്നത്. എക്സിക്യൂട്ടീവ് പ്രൊഡ്യൂസർമാർ പ്രദീപ് മേനോൻ, അനൂപ് രാജ് എം. പ്രൊഡക്ഷൻ കൺട്രോളർ മനോജ് പൂംകുന്നം, സൗണ്ട് ഡിസൈൻ രാജ് കുമാർ പി, കല: വിനോദ് രവീന്ദ്രൻ, ശബ്ദമിശ്രണം വിപിൻ നായർ, ചീഫ് അസോ. ഡയറക്ടർ രാജേഷ് അടൂർ, അസോ. ഡയറക്ടർ ആന്റണി തോമസ് മംഗലി, വേഷവിധാനം: ഗായത്രി കിഷോർ, മേക്കപ്പ് ഹസ്സൻ വണ്ടൂർ, കളറിസ്റ്റ്: ശ്രീക് വാരിയർ.