మహేష్ సినిమాలో ఆ స్టార్ హీరోయిన్ ఉందా..?లేదా..!?
సూపర్ స్టార్ మహేష్ బాబు మరియు త్రివిక్రమ్ కాంబినేషన్లో ఇప్పుడు ssmb 28 సినిమా రానున్న సంగతి తెలిసిందే.ఈ సినిమా షూటింగ్ మొదలైనప్పటికీ కొన్ని కారణాలవల్ల ఇప్పుడు వాయిదా పడుతూ వస్తుంది. ఇక దీనికి కారణం మహేష్ బాబుతో తీయబోతున్న ఈ సినిమా స్టోరీలో కొన్ని రకాల మార్పులను చేశాడట త్రివిక్రమ్. మార్పులు చేసిన అనంతరం ఈ సినిమాని సరికొత్తగా తీయాలని చూస్తున్నాడట త్రివిక్రమ్. వీరిద్దరి సినిమా దాదాపుగా 12 ఏళ్ల తర్వాత మళ్లీ రాబోతుంది దీంతో మహేష్ అభిమానులు ఎంతో ఆసక్తిగా ఈ సినిమా కోసం ఎదురుచూస్తున్నారు.
ఇక ఈ సినిమాకి సంబంధించిన ప్రీ ప్రొడక్షన్ పనులను ప్రారంభించినట్లుగా తెలుస్తోంది. అంతేకాదు ఈ సినిమాకి సంబంధించి కొందరు కీలకమైన నటీనటులను కూడా ఈ సినిమా కోసం త్రివిక్రమ్ ఎంపిక చేసినట్లుగా తెలుస్తోంది. అయితే గత కొన్ని రోజులుగా సూపర్ స్టార్ మహేష్ బాబు మరియు త్రివిక్రమ్ కాంబినేషన్లో రానున్న ఈ సినిమాలో మహేష్ కి జోడిగా పూజ హెగ్డే ని తీసుకున్నట్లుగా గత కొన్ని రోజులుగా వార్తలు వినిపిస్తున్న సంగతి మనందరికీ తెలిసిందే. పూజా హెగ్డే తో పాటు ఈ సినిమాలో మరికొన్ని కీలక పాత్రల కోసం బోమన్ ఇరానీ టబు సచిన్ క్రీడేకర్లను ఎంపిక చేసినట్లుగా తెలుస్తోంది.
అయితే తాజాగా ఈ సినిమాలో హీరోయిన్ గా పెళ్లి సందడి శ్రీ లీలని పూజా హెగ్డే ప్లేస్ లో పెట్టినట్లుగా సమాచారం. తాజాగా మాస్ మహారాజ హీరోగా నటించిన ధమాకా సినిమాలో రవితేజ కి జోడిగా నటించిన ఈమె ఈ సినిమాతో బ్లాక్ బస్టర్ హిట్టును అందుకుంది. ఇక ఈ సినిమాకి సంబంధించిన ప్రమోషన్స్ కార్యక్రమంలో భాగంగా పలు ఇంటర్వ్యూలలో పాల్గొన్న ఈమె బాలయ్య సినిమాలో బాలకృష్ణకి చెల్లెలిగా నటిస్తున్నాను అంటూ చెప్పవచ్చింది. అలాగే రామ్ సినిమాలో కూడా ఈమె నటిస్తున్నట్లుగా చెప్పుకొచ్చింది. ఈ రెండు సినిమాలతో పాటు నితిన్ సినిమాలో కూడా నటిస్తున్నట్లుగా తెలిపింది. ఈ మూడు సినిమాలకి సంబంధించి మాట్లాడిన ఈమె మహేష్ సినిమా గురించి మాట్లాడలేదు. దీంతో ఈ సినిమాలో శ్రీ లీలా నటిస్తుందా లేదా అన్న సందేహాలు వస్తున్నాయి..!!