ജൂഹി ചൗളയെ വിവാഹം കഴിക്കാൻ ആഗ്രഹം പ്രകടിപ്പിച്ചിരുന്നു; പക്ഷേ അത് നടന്നില്ല; നടൻ സൽമാൻ ഖാൻ്റെ വെളിപ്പെടുത്തൽ!
ജൂഹി ചൗളയെ വിവാഹം കഴിക്കാൻ ആഗ്രഹം പ്രകടിപ്പിച്ചിരുന്നു; പക്ഷേ അത് നടന്നില്ല; നടൻ സൽമാൻ ഖാൻ്റെ വെളിപ്പെടുത്തൽ! ഐശ്വര്യ റായി, സംഗീത ബിജ്ലാനി, സോമി അലി, ഫരിയ അലാം, കത്രീന കൈഫ്, ലുലിയ വഞ്ച്വർ അടക്കം നിരവധി നായികമാരുടെ പേരുകളാണ് ഓരോ കാലങ്ങളിലായി സൽമാൻ ഖാൻ്റെ പേരിനൊപ്പം കേട്ടിരുന്നത്. ഇപ്പോൾ സോഷ്യൽ മീഡിയയിൽ പ്രചരിക്കുന്ന പഴയൊരു അഭിമുഖത്തിൽ ബോളിവുഡ് നായിക ജൂഹി ചൗളയെ വിവാഹം കഴിക്കാൻ താരം ആഗ്രഹിച്ചിരുന്ന കാര്യം തുറന്നു പറയുന്നു. വെള്ളിത്തിരയിലും ജീവിതത്തിലും നഷ്ട പ്രണയ കഥകളിലെ ഹീറോയാണ് ബോളിവുഡ് താരം സൽമാൻ ഖാൻ. കരിയറിൻ്റെ തുടക്ക കാലം മുതൽ നിരവധി നായികമാരുടെ പേര് സല്ലുവിൻ്റെ പ്രണയ കഥകളിൽ ഇടം പിടിച്ചിരുന്നെങ്കിലും ഇന്നും അവിവാഹിതനാണ് താരം. 1990 കളിലെ ഒരു പഴയ അഭിമുഖത്തിൽ നിന്നുള്ള ക്ലിപ്പാണ് ഇപ്പോൾ പ്രചരിക്കുന്നത്.
ജീൻസും തൊപ്പിയും പ്രിൻ്റഡ് നീല പോളോ ഷർട്ടും ധരിച്ചാണ് സൽമാൻ ഇൻ്റർവ്യൂവിൽ പ്രത്യക്ഷപ്പെടുന്നത്. ജൂഹി ചൗള വളരെ സുന്ദരിയാണ്. ആരാധ്യയായ പെൺകുട്ടി. അവളെ വിവാഹം കഴിക്കാൻ അനുവദിക്കുമോ എന്ന് ഞാൻ അവളുടെ പിതാവിനോട് ചോദിച്ചു. പക്ഷേ, ഞാൻ ബില്ലി( ജൂഹി ചൗള)ന് അനുയോജ്യമായ അളാണെന്ന് അവർക്ക് തോന്നിക്കാണില്ല എന്നും സൽമാൻ പറയുന്നു.നേരത്തെ വിവാഹം വരെ എത്തിയ ബന്ധമായിരുന്നു ഐശ്വര്യ റായി സൽമാൻ ഖാൻ ബന്ധം. സഞ്ജയ് ലീല ബൻസാലി സംവിധാനം ചെയ്ത ഹം ദിൽ ദേ ചുകേ സനം എന്ന ചിത്രത്തിൽ അഭിനയിക്കുമ്പോ ഇരുവരും പ്രണയത്തിലായത്. എന്നാൽ അധികം കാലമാകുന്നതിനു മുമ്പു തന്നെ ഇരുവരും വേർപിരിഞ്ഞത് ബോളിവുഡിലെ ചൂടൻ ചർച്ചയായിരുന്നു. പ്രണയ കാലത്ത് ഐശ്വര്യയുടെ പേരിൽ സൽമാൻ പല സിനിമയുടെയും ലൊക്കേഷനിൽ വഴക്കുണ്ടാക്കുന്നത് പതിവായിരുന്നു.
ഐശ്വര്യുടെ പിതാവിന് സൽമാനുമായിട്ടുള്ള ബന്ധം ഇഷ്ടമായിരുന്നില്ലെന്നും അച്ഛൻ്റെ വാക്കുകൾ മകൾ അനുസരിച്ചതാണെന്നും റിപ്പോർട്ടുകളുണ്ടായിരുന്നു. പിന്നീട് സൽമാൻ ഖാനെതിരെ ഐശ്വര്യ റായിയും രംഗത്തു വന്നു. സൽമാൻ തന്നെ ശരീരികമായി ഉപദ്രവിച്ചിട്ടുണ്ടെന്നും ഭാഗ്യവശാൽ അതിൻ്റെ അടയാളങ്ങളൊന്നുമില്ലെന്നും ഐശ്വര്യ റായി പറഞ്ഞിട്ടുണ്ട്. ജൂഹി ചൗളയും സൽമാൻ ഖാനും അനിൽ കപൂറും ഗോവിന്ദയും ഒന്നിച്ച ദീവാന മസ്താന എന്ന ചിത്രം 1997 ലാണ് റിലീസ് ചെയ്തത്. ജൂഹിയും സല്ലുവും ഒന്നിച്ച് അഭിനയിച്ചതും ഈ ചിത്രത്തിലാണ്. 1995 ലാണ് ജയ് മെഹ്തയുമായുള്ള ജൂഹി ചൗളയുടെ വിവാഹം നടത്തുന്നത്.
ജൂഹിയും ഭർത്താവ് ജയ് മേത്തയും മകൾ ജാൻവിയും മകൻ അർജുനും ചേരുന്നതാണ് കുടുംബം. ഷാരൂഖിൻ്റെ മുൻ ചിത്രമായ സീറോയിലും സൽമാൻ ഖാൻ അതിഥി വേഷം ചെയ്തിട്ടുണ്ട്. ഏപ്രിൽ 21-ന് റിലീസ് ചെയ്യുന്ന കിസി കാ ഭായ് കിസി കി ജാൻ എന്ന ചിത്രമാണ് സല്ലുവിൻ്റെതായി ഇനിയെത്തുന്നത്. മുൻ കാമുകി കത്രീന കൈഫിനൊപ്പമുള്ള ആക്ഷൻ ത്രില്ലർ ചിത്രം ടൈഗർ 3 യും അണിയറയിൽ തയാറാകുന്നുണ്ട്.
ഷാരൂഖ് ഖാൻ നായകനായ പത്താൻ എന്ന ചിത്രത്തിലാണ് സൽമാനെ അവസാനമായി പ്രേക്ഷകർ വെള്ളിത്തിരയിൽ കണ്ടത്.
ഷാരൂഖ് ഖാൻ നായകനായ പത്താൻ എന്ന ചിത്രത്തിലാണ് സൽമാനെ അവസാനമായി പ്രേക്ഷകർ വെള്ളിത്തിരയിൽ കണ്ടത്.