స్పై సినిమా చుట్టూ ఏం జరుగుతోంది..?
నిర్మాత దాదాపుగా అందరికీ కమిట్మెంట్ ఇచ్చేసాను కాబట్టి ఈ సినిమా విడుదల విషయంలో వెనక్కి తగ్గే ప్రసక్తి లేదన్నట్లుగా ప్రచారం జరుగుతోంది. అయితే ఈ నేపథ్యంలో నిఖిల్ ఈ సినిమాకు సంబంధించి కంప్యూటర్ గ్రాఫిక్స్ వర్క్ అలాగే రీ రికార్డింగ్ పనులు కూడా పూర్తి కాలేదు కాబట్టి ఈ సినిమా రిలీజ్ చేయడం లేదని మీడియాకు తెలియజేసినట్లు వార్తలు వినిపిస్తున్నాయి. అయితే ఇప్పుడు అమెరికా డిస్ట్రిబ్యూటర్ అయితే ఈనెల 28వ తేదీన అమెరికాలో ప్రీమియర్ బుకింగ్స్ జరగబోతున్నాయి అంటూ బుకింగ్స్ ను కూడా ఓపెన్ చేసినట్టు సమాచారం.
ఈ సినిమా నిర్మాత రాజశేఖర్ రెడ్డి సహితం జూన్ 29న రిలీజ్ చేయబోతున్నట్లు తెలియజేశారు మరొకపక్క నిఖిల్ మాత్రం ఈ విషయాన్ని కొట్టి పారేస్తూ ఉండడంతో అభిమానులను మరొకసారి గందరగోళం నెలకొంది. మరి ఈ సినిమా విషయంపై ఎవరు క్లారిటీ ఇస్తారు చూడాలి మరి. చిత్ర బృందం ఈ విషయం పైన అధికారికంగా విడుదల చేస్తే గాని ఈ విషయంపై క్లారిటీ రాదని అభిమానులు సైతం భావిస్తున్నారు. గత ఏడాది పాన్ ఇండియా లెవెల్ లో కార్తికేయ-2 చిత్రంతో మంచి బ్లాక్ బస్టర్ విజయాన్ని అందుకున్నారు. దీంతో పాన్ ఇండియా హీరోగా పేరు సంపాదించారు.