వైష్ణవ్ లేటెస్ట్ మూవీ అప్డేట్..!
తెలుగు సినిమా ఇండస్ట్రీ లో తనకంటూ ఒక మంచి గుర్తింపును ఏర్పరచుకున్న వారిలో పంజా వైష్ణవ్ తేజ్ ఒకరు. ఈ నటుడు ఉప్పెన అనే మూవీ తో హీరో గా ఎంట్రీ ఇచ్చాడు. కృతి శెట్టి హీరోయిన్ గా నటించిన ఈ మూవీ కి బుచ్చిబాబు సనా దర్శకత్వం వహించగా ... మైత్రి మూవీ సంస్థ వారు ఈ సినిమాను నిర్మించాడు. ఈ మూవీ బాక్స్ ఆఫీస్ దగ్గర మంచి విజయం సాధించడం అలాగే ఈ మూవీ లో వైష్ణవ్ నటనకు కూడా ప్రేక్షకుల నుండి మంచి గుర్తింపు లభించడంతో ఈ నటుడు కి ఈ సినిమా తర్వాత క్రేజీ సినిమాలో అవకాశాలు వచ్చాయి.
అందులో భాగంగా ఇప్పటికే ఈ నటుడు ఉప్పెన మూవీ తర్వాత కొండపొలం ... రంగ రంగ వైభవంగా అనే రెండు సినిమాలలో హీరోగా నటించాడు. మంచి అంచనాల నడుమ విడుదల అయిన ఈ రెండు సినిమాలు కూడా బాక్స్ ఆఫీస్ దగ్గర ఫ్లాప్ లుగా మిగిలాయి. ఇలా ఉప్పెన మూవీ తో సూపర్ సక్సెస్ ను అందుకున్న ఈ నటుడు ఆ తర్వాత నటించిన రెండు మూవీ లతో కూడా బాక్స్ ఆఫీస్ దగ్గర అపజయాలను ఎదుర్కొన్నాడు. ఇది ఇలా ఉంటే ప్రస్తుతం ఈ నటుడు "ఆది కేశవ" అనే పవర్ఫుల్ మాస్ యాక్షన్ సినిమాలో హీరో గా నటిస్తున్నాడు.
ఈ మూవీ లో శ్రీ లీల హీరోయిన్ గా నటిస్తూ ఉండగా ... శ్రీకాంత్ ఎం రెడ్డి ఈ మూవీ కి దర్శకత్వం వహిస్తున్నాడు. నాగ వంశీ ఎస్ ... సాయి సౌజన్య ఈ మూవీ ని నిర్మిస్తున్నారు. ఇది ఇలా ఉంటే తాజాగా ఈ మూవీ బృందం ఈ సినిమా విడుదల తేదీని అధికారికంగా ప్రకటించింది. ఈ మూవీ ని ఆగస్టు 18 వ తేదీన ప్రపంచ వ్యాప్తంగా థియేటర్ లలో విడుదల చేయనున్నట్లు ఈ మూవీ బృందం అధికారికంగా ప్రకటిస్తూ ఒక పోస్టర్ ను కూడా విడుదల చేసింది. ఈ మూవీ బృందం తాజాగా విడుదల చేసిన పోస్టర్ లో వైష్ణవ్ ... శ్రీ లీల ఉన్నారు.