సూపర్ స్టార్ మహేష్ బర్త్ డే స్పెషల్?

Purushottham Vinay
ఈ రోజు టాలీవుడ్ టాప్ హీరో సూపర్ స్టార్ మహేష్ బాబు పుట్టిన రోజు. ఇక నేటితో 48వ పడిలోకి అడుగుపెడుతున్నారు మహేష్. మహేష్ పుట్టిన రోజును ఆయన అభిమానులు సోషల్ మీడియాలో సంబరంగా జరుపుకుంటున్నారు.సీనియర్ స్టార్ డైరెక్టర్ రాఘవేంద్రరావు మహేష్ బాబును హీరోగా సినిమా ఇండస్ట్రీకి పరిచయం చేశారు. అంతకు ముందు చైల్డ్ ఆర్టిస్ట్‌గా పలు సినిమాల్లో నటించి ఎంతగానో ఆకట్టుకున్నాడు సూపర్ స్టార్. 1987లో తొలిసారిగా తన తండ్రి దర్శకత్వం వహించిన శంఖారావం చిత్రంలో మహేష్ నటించాడు. 1988 లో విడుదలైన కోదండరామిరెడ్డి దర్శకత్వం వహించిన బజార్ రౌడీ చిత్రంలో తన అన్నయ్య రమేష్‌తో కలిసి నటించాడు. అలాగే కృష్ణ నటించిన ముగ్గురు కొడుకులు, గూడచారి 117, కొడుకు దిద్దిన కాపురం, బాలచంద్రుడు, అన్న- తమ్ముడు సినిమాల్లో నటించాడు సూపర్ స్టార్ మహేష్. కొడుకు దిద్దిన కాపురం సినిమాలో మహేష్ డ్యూయల్ రోల్‌లో కనిపించి ఎంతగానో ఆకట్టుకున్నాడు.



ఆ తర్వాత సినిమాలకు కొంత గ్యాప్ ఇచ్చి మహేష్ పూర్తిగా చదువు పై దృష్టి పెట్టారు. మళ్ళీ హీరోగా రాజకుమారుడు సినిమాతో ఎంట్రీ ఇచ్చాడు. ఇక ఆ తర్వాత నటించిన యువరాజు, వంశీ సినిమాలు ఆశించిన స్థాయిలో విజయాలు సాధించకపోయినప్పటికీ మహేష్ నటనకు మాత్రం మంచి మార్కులు పడ్డాయి. ఆ తర్వాత కృష్ణ వంశీ దర్శకత్వంలో వచ్చిన మురారి  సినిమాతో భారీ విజయాన్ని సొంతం చేసుకున్నడు సూపర్ స్టార్ మహేష్ బాబు. 2001 లో విడుదలైన మురారి సినిమా ఫ్యామిలీ ఆడియన్స్‌ను అయితే విపరీతంగా ఆకట్టుకుంది. ఆ తర్వాత చేసిన టక్కరిదొంగతో మహేష్ యావరేజ్ హిట్టు కొట్టి నటన పరంగా సూపర్ గా ఆకట్టుకున్నాడు. ఇక బాబీ సినిమా అంత విజయాన్ని అందుకోలేదు. తరువాత గుణశేఖర్ దర్శకత్వంలో వచ్చిన ఒక్కడు సినిమా సంచలన విజయాన్ని సొంతం చేసుకుంది. అప్పట్లో 2003 అతి పెద్ద సినిమాగా పేరు తెచ్చుకుంది ఈ సినిమా. అప్పటి దాకా ఉన్న రికార్డులను ఒక్కడు సినిమా తిరగరాసింది.



ఆ సినిమా తర్వాత విడుదలైన నిజం సినిమా హిట్ టాక్ తెచుకోకపోయినప్పటికీ మహేష్ నటనకు విమర్శకుల ప్రశంసలు దక్కాయి. ఈ సినిమాలో మహేష్ నటనకుగాను ఏకంగా నంది అవార్డు వరించింది.ఇక నాని, అర్జున్ సినిమాలు కూడా ఆశించిన స్థాయిలో విజయం సాదించనప్పటికీ చాలా కొత్తగా అనిపించి పర్లేదు అనిపించుకున్నాయి. ఆతర్వాత పూరి దర్శకత్వంలో వచ్చిన పోకిరి సినిమా అనూహ్య విజయాన్ని అందుకుంది. ఎన్నో రికార్డ్‌లను తిరగరాయడంతోపాటు.పెద్ద ఇండస్ట్రీ హిట్‌గా నిలించింది ఈ సినిమా. ఆతర్వాత టాప్ హీరోగా కంటిన్యూ అవుతూ దూసుకువస్తున్నాడు సూపర్ స్టార్.అలాగే అతిథి , ఖలేజా, దూకుడు , బిజినెస్ మేన్ , సీతమ్మ వాకిట్లో సిరిమల్లె చెట్టు , ఆగడు, శ్రీమంతుడు హర్ష, బ్రహ్మోత్సవం, స్పైడర్, భరత్ అనే నేను భరత్, మహర్షి , సరిలేరు నీకెవ్వరు ఇలా వరుస సినిమాలతో టాక్ తో సంబంధం లేకుండా ఎంతగానో అలరించారు మహేష్. అలాగే సర్కారు వారిపాట సినిమాతో మరోసారి నెగటివ్ టాక్ తోనే బాక్సాఫీస్‌ను షేక్ చేశారు. ఇప్పుడు గుంటూరు కారంతో మరోసారి రికార్డులు తిరగరాయడానికి సిద్ధమవుతున్నారు సూపర్ స్టార్ మహేష్.
మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

సంబంధిత వార్తలు: