ఆ సినిమా హిట్ అయితే కాజల్ ను ఆపడం మళ్ళీ కష్టమేనా..?
తెలుగు సినిమా ఇండస్ట్రీ లో ఎన్నో సంవత్సరాల పాటు టాప్ హీరోయిన్ గా కెరియర్ ను కొనసాగించిన ముద్దుగుమ్మలలో కాజల్ అగర్వాల్ ఒకరు. లక్ష్మీ కళ్యాణం మూవీ తో తెలుగు తెరకు పరిచయం అయ్యి మంచి గుర్తింపు సంపాదించుకుంది. ఆ తర్వాత చందమామ మూవీ తో సూపర్ హిట్ ను అందుకుంది. ఇక మగధీర మూవీ తో ఇండస్ట్రీ హిట్ ను అందుకొని తెలుగు సినీ పరిశ్రమలో టాప్ హీరోయిన్ స్థానానికి ఎదిగి పోయింది. ఇక ఈ మూవీ తో తెలుగు లో టాప్ హీరోయిన్ స్నానానికి ఎదిగిపోయిన ఈ ముద్దు గుమ్మ ఆ తర్వాత చాలా సంవత్సరాల పాటు తెలుగు లో టాప్ హీరోయిన్ గానే కెరియర్ ను కొనసాగించింది.
అలా తెలుగు సినీ పరిశ్రమలో అద్భుతమైన క్రేజీ సినిమా అవకాశాలతో కెరియర్ ను ముందుకు సాగిస్తున్న సమయం లోనే ఈ ముద్దుగుమ్మ గౌతమ్ అనే వ్యక్తిని పెళ్లాడింది. ఆ తర్వాత ఒక మగ బిడ్డకు జన్మను కూడా ఇచ్చింది. ఇలా పెళ్లి ఆ తర్వాత ఒక బిడ్డకు జన్మనివ్వడం ఇలా కొన్ని కారణాల వల్ల ఈ ముద్దు గుమ్మ కొంత కాలం పాటు సినిమాలకు దూరంగా ఉంది. ఆ సమయంలో కాజల్ క్రేజ్ కూడా తెలుగు లో కాస్త పడిపోయింది. ఇకపోతే తాజాగా కాజల్ ... బాలకృష్ణ హీరోగా అనిల్ రావిపూడి దర్శకత్వంలో రూపొందిన భగవంత్ కేసరి సినిమాలో హీరోయిన్ గా నటించింది.
ఇప్పటివరకు ఈ సినిమా నుండి చిత్ర బృందం విడుదల చేసిన ప్రచార చిత్రాలు అద్భుతంగా ఉండడంతో ఈ మూవీ పై ప్రేక్షకుల్లో భారీ అంచనాలు ఉన్నాయి. ప్రస్తుతం ఉన్న పరిస్థితులను బట్టి చూస్తే ఈ మూవీ కనుక సక్సెస్ ను సాధించినట్లు అయితే మళ్లీ కాజల్ కి సూపర్ తెలుగులో వచ్చే అవకాశాలు ఉన్నట్లు పలువురు భావిస్తున్నారు. మరి కాజల్ ఈ మూవీ తో ఏ రేంజ్ క్రేజ్ ను తెచ్చుకుంటుందో చూడాలి. భగవంత్ కేసరి మూవీ ని అక్టోబర్ 19 వ తేదీన థియేటర్ లలో విడుదల చేయనున్నారు.