డంకి: వాయిదా లేదు.. దూసుకురావడమే?
బాలీవుడ్ టాప్ హీరో కింగ్ ఖాన్ షారుఖ్ ఖాన్ నటించిన 'డంకి' చిత్రం వాయిదా పడే అవకాశం ఉందని వస్తోన్న ప్రచారం మధ్య ఓ క్రేజీ అప్ డేట్ వచ్చింది. ఈ సినిమా 2023 క్రిస్మస్ రోజున ప్రేక్షకుల ముందుకు రానుందని ఎలాంటి ఆలస్యం జరగదని మేకర్స్ స్పష్టం చేశారు.ప్రముఖ ట్రేడ్ అనలిస్ట్ తరణ్ ఆదర్శ్ తన X ఖాతా ద్వారా ఈ విషయాన్ని వెల్లడించారు. ఈ సినిమాని వాయిదా వేయడం లేదని ప్రకటించారు. రాజ్కుమార్ హిరానీ దర్శకత్వం వహిస్తున్న ఈ సినిమా టీజర్ను త్వరలో రిలీజ్ చేయడానికి మేకర్స్ ప్లాన్ చేస్తున్నారని ఆయన పేర్కొన్నారు."షార్క్ - 'డంకి' వాయిదా వేయలేదు... డంకి క్రిస్మస్ 2023కన వస్తోంది. ఈ మూవీ టీజర్ త్వరలో విడుదల కానుంది" అని తరణ్ ఆదర్శ్ తెలిపారు.ఇక యంగ్ రెబల్ ప్రభాస్ నటిస్తోన్న మూవీ సలార్తో క్లాష్ కాకుండా ఉండటానికి షారుఖ్ ఖాన్ డంకి డిసెంబర్ 22న థియేటర్లలోకి రాదని పలు నివేదికలు పేర్కొన్నాయి.
మైక్రోబ్లాగింగ్ సైట్ X ఇంకా చలనచిత్ర వాణిజ్య విశ్లేషకుడు మనోబాల విజయబాలన్.. 'షారుఖ్ ఖాన్ డంకి పోస్ట్ పోన్ అయ్యే అవకాశం ఉంది. ప్రభాస్ సలార్ సినిమా సోలోగా రికార్డ్ లెవెల్లో విడుదల అవుతుంది" అని అన్నారు.ఇక 'డంకి' సినిమాకి రాజ్కుమార్ హిరానీ దర్శకత్వం వహిస్తున్నారు. షారుఖ్ ఖాన్తో పాటు, ఈ సినిమాలో తాప్సీ పన్ను కూడా హీరోయిన్ గా నటించారు.ఇక ఇది వారి మొదటి ఆన్-స్క్రీన్ జోడిని సూచిస్తుంది. ఈ ఏడాది వరుసగా రెండు బ్లాక్ బస్టర్స్ అందుకోవడమే కాకుండా బాలీవుడ్ కి రెండు బ్యాక్ టు బ్యాక్ 1000 కోట్ల సినిమాలని ఇచ్చాడు షారుఖ్ ఖాన్. పఠాన్ 1000 కోట్లపైన వసూళ్లు సాధిస్తే జవాన్ 1100 కోట్ల పైగా వసూళ్లు నమోదు చేసింది. ఇక బాలీవుడ్ టాప్ డైరెక్టర్ రాజ్ కుమార్ హిరానితో చేస్తున్న డంకి సినిమా ఇంకెన్ని కోట్లు వసూలు చేస్తుందో అని చర్చ నడుస్తుంది. మరి చూడాలి ప్రభాస్, షారుఖ్ లలో పై చెయ్ ఎవరిదో..